香港特別行政區護照

出自維基百科,自由嘅百科全書
(由香港護照跳轉過嚟)

香港特別行政區護照英文Hong Kong Special Administrative Region passport,又叫特區護照英文HKSAR passport)係中國香港特別行政區居民嘅護照。凡有香港特別行政區居留權同埋持有香港永久性居民身份證中國公民,無論佢有冇其他護照或旅行證件,都可以申請。香港入境事務處負責做護照嘅簽發,中華人民共和國駐外國大使館或者領事館都可以幫海外嘅申請人做申請同補領。護照由香港特區成立日(1997年7月1號)開始做。

香港特區護照一般嘅有效期係10年,未夠16歲嘅有效期就係5年。

申請資格[編輯]

任何人如果符合以下條件,就有資格申請香港特別行政區護照:

  • 係中國公民;
  • 係香港特別行政區永久性居民;
  • 持有有效嘅香港永久性居民身份證。

申請方法[編輯]

親身遞交[編輯]

如果屬於以下情況,申請人一定要親身遞交申請:

  • 原有嘅香港特別行政區護照已經損毀
  • 唔見咗護照或者無法提供護照
  • 需要更改護照上嘅個人資料

自助服務站[編輯]

11至17歲香港出世嘅香港居民,以及18歲或以上嘅申請人,可以用設立喺任何一間辦理旅行證件申請嘅入境事務辦事處嘅自助服務站申請香港特別行政區護照。自助服務站並唔適用於處理因為唔見咗、損毁、殘破、無法使用舊護照或者更改護照上個人資料而需要更換領護照嘅申請,而有關申請要親身去到櫃枱遞交。

郵寄[編輯]

申請人可以將申請表連同有關文件寄去:香港灣仔告士打道七號,入境事務大樓四樓,入境事務處,旅行證件及國籍(申請)組

留意:入境事務處唔會收郵費唔夠嘅信。

投遞[編輯]

除咗因為唔見咗、損毁、殘破、無法使用舊護照或者更改護照上嘅個人資料而需要換領護照嘅申請之外,申請人可以喺辦公時間之內,去到任何一間辦理旅行證件申請嘅入境事務辦事處,將申請放入辦事處設立嘅投遞箱度。

網上或流動應用程式申請[編輯]

如果符合以下條件,申請人可以喺網上或流動應用程式申請護照(除咗因為唔見咗、損毁、殘破、用唔到舊護照或更改護照上無法使用舊護照或者更改護照上嘅個人資料而需要換領護照嘅申請):

  • 符合領取香港特別行政區護照嘅條件
  • 11歲或以上
  • 持有有效嘅香港永久性居民身份證
  • 能夠親身去到指定入境事務處辦事處攞護照;如果申請人係11至15歲兒童或者係16同17歲嘅未婚人士,同意呢項申請嘅父/母或合法監護人一定要陪同呢啲申請人親身去攞護照,要喺申請書度簽名。

收費[編輯]

由2006年6月19號開始,護照收費係咁:

  • 16歲或以上人士(護照有效期10年)
    • 32頁-370港元(海外申請:48美元
    • 48頁-460港元(海外申請:59美元)
  • 16歲以下兒童(護照有效期5年)
    • 32頁-185港元(海外申請:24美元)
    • 48頁-230港元(海外申請:29.5美元)

免簽證國家同地區[編輯]

截至到依家,有163個國家或者係地區免咗特區護照持有人嘅簽證需要,或畀落地簽證。其中包括英國法國德國意大利歐盟神根公約嘅成員國,重有日本加拿大紐西蘭南非新加坡俄羅斯等國,以及大部分南美國家同埋部分東南亞、非洲國家。

生物特徵資料晶片[編輯]

為咗跟返國際嘅趨勢,香港特別行政區護照會晌2007年加入生物特徵資料晶片。

出面網頁[編輯]