馬唐

一束橫生

馬唐，草一種，禾本科馬唐屬。溫帶到熱帶都常見，非常粗生，乜嘢難生地方都見到，路邊屋邊石屎罅都生到，世界好多地方，香港都有。馬唐屬以佢至常見。

一年生植物，暮春到秋，夠日照、開陽地就生葉，夏到秋開花。呢個時生得好快，成塊蓆咁。喺節度生根，亦產極多種籽。生得唔過，伏地而生，但花梗可以一公尺高。

現今生物學上，會再細分，馬唐屬歸瓶刷草亞族，瓶刷草亞族歸黍族，黍族歸黍亞科，黍亞科歸禾本科。

一般睇成雜草，但亦有人種。種來動物做飼料，種來人食都有。大唐時就經已叫馬唐，馬飯咁解，可以做藥。

源自南歐、地中海、西南亞。亦指中亞、新疆到華南都係。

英國歸佢入蟹草一類，話似蟹，有節，打橫生。呢隻草有毛，而東歐斯拉夫人，尤其波蘭就種來食，食佢啲種籽。

叫佢雜草，皆因農田、菓園咁，會畀佢搶走農作物養分。花園草地來講，佢一簇簇，唔平均，唔多雅觀，不過唔使打理嘅話，乾罕都成片綠。

生態上佢吸引雀寄居，皆因佢好多種可以食。

要剷除可以用手扯起。佢要日照先生得好，所以用黑布冚地佢就生唔到，菓園就會用呢個方法。另外草皮時常淋水，剷草要剷得高一啲，咁就易生馬唐。

語源

馬唐

大唐陳藏器本草拾遺咁講。

「

馬唐。生南土廢稻田中。節節有根。著土如結縷草。堪飼馬。云馬食如糖。故名馬唐。故曰煎水取汁。明目潤肺。爾足云馬唐。馬飯也。

」

話佢馬飼料來，馬中意食佢，好似糖咁。

描述

草，一年生，花序多達九條，好長、好幼、莖頂輻射枝條。條枝都有成對好細穗，總狀花序。花紅花紫。

• 
• 
• 
• 

用

歐洲中世紀，東歐嘅斯拉夫人栽培，煲湯煮粥。

移民帶去美國，手工穀物。佢營養高，尤其耗盡自己，產種之前。野外播種，動物放牧有得食，或者收割紥成乾草。佢蛋白質多過其他草。牧場會暮春翻地，等佢啲種快啲生。

人食，佢一定要人手收割，皆因成個夏季都有穀，唔會同一時間。機器收割一月一次，就算咁，好多種都會唗咗。佢穀量非常高，佢可以壓制其他雜草。佢冚住笪地，炎熱乾旱都生到。適應力強，環保農場仔候選者。

控制

十九世紀自耕農好有用，種籽廣泛普及。今日普遍睇成麻煩，冇吸引力。佢低肥耐旱，會削弱其他草。佢會侵入草皮，好難根除，皆因佢會再生。用化學劑物，會傷到周圍啲草。

一年生植物，可以靠預防用除草劑控制。最有效方法靠扯，扯佢出來。草地要割草，割到五七厘米咁，加埋淋水。 割得到三厘米，咁馬唐會生。