馬尾松

How to read a taxobox

馬尾松

喺廣西桂林鄉下入面種嘅馬尾松

物種分類

Pinus massoniana
Lamb.

馬尾松（粵拼：maa5 mei5 cung4；學名：Pinus massoniana），又稱山松（saan1 cung4）或青松（cing1 cung4），係松科松屬嘅常綠喬木，原生於中國淮河以南、日本琉球群島同埋越南。松樹當中，佢嘅生命力最強、生長速度最快，故為造林嘅先鋒樹。

名

因爲針葉生到馬尾咁，所以叫馬尾松。

馬尾松一般有40米高，樹徑大概兩米。樹葉幼而軟，兩針一束；果實喺側面睇係蛋形，表面睇係圓錐形；種子上面各有對翼。

馬尾松適宜喺酸性泥土生長；其耐悍、耐寒，多生長於海拔600至1500米嘅山地。［尤其係啲樹仔生得比較快，如估可以整成林嘅話，唔使幾年就可以搞出好似個林海嘅大樹林出嚟。（？？？）］

此樹木嘅用途眾多，木材可以用喺建築、礦柱、枕木等；樹幹可以收集松脂嚟整松香，脫脂之後造成紙；啲核可以榨油；而針葉可以提煉揮發油、或者用作維他命C同纖維嘅原料；花粉同瘤狀節更係藥材。

馬尾松花粉同瘤狀節嘅藥用功效如下：

部位	主治、功效
花粉	頭暈頭痛、中虛胃疼、久痢、諸瘡濕爛，創傷出血。
瘤狀節	風濕痹痛、轉筋攣急、腳氣痿軟、膝頭𠵩風濕，跌損搞出嘅瘀血。

中國內地嘅松香產量係全球第一，其中90%都係嚟自馬尾松。

喺廣州雲苑新村附近，有幾條街道同居委會均以「松柏」命名。事因嗰度開發前重係一片鄉下嘅時候，種咗好多馬尾松同側柏。

香港有個地方叫「松仔園」，係因為之前嗰度種咗好多馬尾松。

四川無產階級革命家陳毅，抗日戰爭嗰時，喺贛南山區俾日本仔包圍，期間寫咗首詩 ––《大雪壓青松》。詩句講嘅樹就係馬尾松。