馬栗

開花

馬栗、七葉樹、歐洲七葉樹，大樹一種，開花植物。北半球春末夏初西曆五月間，開滿塔狀花。初秋季九十月間結綠果。生物上歸七葉樹屬七葉樹節，再對上入無患子科。佢啲種同殼斗科嘅甘栗、板栗好似，但佢哋並唔同科。佢反而同楓、無患子、荔枝同科。馬栗啲種食落有毒，所以可以做藥。話佢七葉樹，啲葉確係一柄七葉，但中國本土經已有七葉樹。

話叫歐洲，查實原生祇不過坡勤半島、土耳其一帶。 佢夠晒高大，形靚，好遮陰，喺歐洲、北美洲、紐西蘭都種好多。

第一次世界大戰、第二次世界大戰，英國叫人收集馬栗啲種，收來生產丙酮，但成效好低。不過就成為當時象徵。揀佢皆因有澱粉質而唔影響糧食。

英國細路用來玩打栗子。

拉丁學名Aesculus hippocastanum，種小名hippocastanum來自希臘文hippos，即馬，月同埋拉丁文castanea栗樹。合稱馬栗。英文名至常見horse chestnut，亦係馬、栗。馬個意思，可能出自傳說偏方，磨碎啲種用做藥，來治馬咳、氣喘、氣喘病、肺氣腫咁。另一說法話枝葉斷位，留低點點紋，排成馬蹄鐵。

描述

大樹，可以生到卅九公尺高 。樹冠圓頂，枝條粗壯。老樹上面，外枝通常下垂，尖端卷曲。葉對生，掌狀複葉，有五七片，長十三到卅公分，葉闊六十公分，葉柄長七到廿公分。落葉後，枝上留低柄痕，七釘成馬蹄形。花白，花瓣底斑點有黃有粉紅。 春天開直立花序，高十到卅公分。花序有廿到五十朵花。花粉對蜜蜂無毒。一花序生一到五果。蒴果，果殼綠色有尖刺，入面通有粒種子，似硬殼果，好少有兩三粒嘅，即係馬栗。一粒 直徑兩到四公分，啡色有光澤，底有白白地疤痕。

花序

花圖。淺綠色結構表示花蜜。花式： ↘ K5 C2 : 2 A5 + 2 G （3）。

語源

馬栗英文名horse chestnut源於葉、果同甜栗好似，但甜栗係殼斗科。據稱觀察，果實、種可以舒緩馬喘氣馬咳。

典型砧木

英文有時俾人叫buckeye，即鹿眼，話佢種子似鹿眼咁。但係 b呢隻字通常指北美洲七葉樹屬植物，例如光葉七葉樹。

分佈

原生坡勤半島，亦有連埋土耳其、土庫曼。引入到世界各地。歐洲好多地方都搵到。北美洲好多公園同城市亦都有種。

用

英國同愛爾蘭，種子用來玩打栗子，又叫撞栗子，好受細路歡迎。第一次世界大戰期間，有場運動呼籲所有人，包括細路，去收集種子捐畀政府。用做發酵澱粉來源，採用由晴懷士文發明丙酮丁醇梭菌法，生產丙酮。丙酮用來做溶劑，用喺軍事武器無煙火藥。方法可以用任何澱粉源，但政府叫人收集馬栗，避免消耗糧食變饑荒。不過，後尾知馬栗唔係咁理想，間廠做得三個月丙酮。不過，第二次世界大戰時，又收集多次。

新鮮馬栗

種子，尤其幼嫩新鮮，有少少有毒，含有生物鹼皂苷同葡萄醣苷。摸落無危險，但食咗會病。馬食咗，會全身震顫、失調協調。

佢好受盆景界歡迎。

據講種子可以驅逐蜘蛛，但無乜證據支持。皂苷可能驅蟲，但係唔清楚對蜘蛛有無效。

佢受馬栗潛葉蛾侵害，幼蟲食佢葉。一九八四年北馬其頓發現並描述，用咗十八年傳到英國。

德國，尤其巴伐利亞，會種佢喺啤酒園入面。機械製冷發明之前，釀酒師挖地窖存放窖藏啤酒。為免地窖免受夏天熱力影響，佢哋會種植馬栗。佢樹冠濃密開展而，但根好淺，唔會破壞地穴。笪地方供應啤酒習俗，變成現代啤酒園。

用佢喺屋企造平價洗衫梘液，據講好環保。

傳統醫學同研究

七葉皂苷

種籽提取物，標準含大約百分之廿七葉皂苷。傳統醫學入面可提升靜脈張力。

考科藍文獻回顧，睇咗啲低質素研究，馬栗種子提取物治慢性靜脈功能不全做短期療法，有效安全。但無做隨機對照試驗確認功效。

安全

做咗心臟手術病人，靜脈注射高劑量馬栗樹精華，就會水腫，有急性腎損傷風險。咁同劑量有關。用一公斤三百卌微克時，腎功能無咩變化。用到 三百六十就會出現輕度腎功能受損。用到五百一十就會引致急性腎損傷。

生籽、生葉、生樹皮、生花，都有七葉樹素，有毒唔食得。美國食品藥物管理局將種子列為唔安全草藥。入面苷同皂苷成分都有毒。

病

馬栗潛葉蛾傷樹

• 流血性潰瘍病 。英國有一半或多或少出現可致命細菌感染症狀。
• 球座菌葉斑病。由真菌馬栗球座菌致病。
• 木腐菌，例如蜜環菌屬同靈芝屬
• 馬栗鱗，由昆蟲七葉樹軟蚧引起
• 馬栗潛葉蛾。採葉蛾。 呢種蛾幼蟲蛀葉，導致葉提早變色，提早落葉。
• 疫黴流血性潰瘍病。真菌感染

安妮法蘭克樹

安妮法蘭克日記入面提過，阿姆斯特丹市中心嗰間秘密附樓，窗外有樖馬栗。佢一直生存到二〇一〇年八月，當時一陣強風將佢吹冧。樹種萌芽生長出十一樖幼苗，運到美國。經印地安納波利斯長期檢疫後，分發到美國各地知名博物館或機構安新家，例如 九一一紀念公園、小石城中央高級中學，以及兩個猶太人大屠殺紀念中心。有樖二〇一三年三月種喺印地安納波利斯兒童博物館戶外，最初接受檢疫嗰度。

基輔象徵

馬栗係烏克蘭首都基輔象徵之一。