體液論

１６世紀德國嘅一幅四體液插圖，標示住：黏液Flegmat、血液Sanguin、黃膽汁Coleric同黑膽汁Melanc，仲分開男性同女性兩邊嚟畫。

體液說（日文：よんたいえきせつ，英文：Humorism／Humoralism ） 係個好古老嘅諗法，意思就係人體裏面有４種「基本體液」——血、痰、黃膽汁同埋黑膽汁。呢個理論又叫體液病理說Humoral pathology，講嘅係人體有幾種唔同嘅體液chymos（其實係嚟自古希臘語「χυμός」嘅拉丁文：humor）。呢種理論講到呢幾種體液要保持平衡Eucrasia，人先至會健康；如果失去平衡Dyscrasia就會病。呢種理論喺古印度（阿育吠陀）同古希臘都有，啲人仲話係由印度傳去希臘嘅。

四體液說喺西方以前好流行，係希臘—阿拉伯醫學（尤納尼醫學）嘅根基，一直到１９世紀病理解剖學出現之前都好多人信。佢哋相信，邊種體液多啲就會影響某個人嘅性格同體質，所以四體液說後嚟仲同占星術拉上關係，喺好多領域都造成唔少影響。

講法

１８世紀嘅木刻版畫入面嘅四體液氣質：黏液質、膽汁質、多血質同憂鬱質。

體液失衡Dyscrasia，以前啲人覺得係所有病嘅根源。相反，如果４種體液保持平衡eucrasia就代表人健康。唔同體液嘅特質會影響人引起咩病：例如黃膽汁多就會生「熱病」；痰多就會變成「冷病」。醫學家加倫Galen喺《論氣質》入面仲特別講到，重點唔止喺體液本身，而係佢哋嘅「性質」。理想嘅狀態係４種特質：熱、冷、濕、乾，撈得要啱啱好。加倫話，當其中一種特質主導，就形成４種主要氣質；如果兩種特質結合起嚟又會變成另一啲嘢。呢啲氣質後嚟就變成大家熟悉嘅：多血質sanguine、膽汁質choleric、憂鬱質melancholic，同埋黏液質phlegmatic。而家「氣質」多數用嚟形容心理性格，不過加倫講嘅，係身體上嘅傾向，會影響某個人病嘅機會、行為習慣，甚至係情緒反應。

除咗體液唔平衡，體液「變壞」都會令人病。環境、飲食變化、甚至空氣裏面嘅氣，都會搞到體液出問題。古希臘、羅馬、以至之後嘅伊斯蘭同歐洲醫學都信，體液會隨住飲食、活動、甚至季節起落。唔理係血、痰、黃膽汁定黑膽汁，如果邊種體液太多，都會令嗰個人氣質會變同身體差。

所以，醫病嘅辦法就係排走身體裏面多餘嘅體液，好似利用催嘔、放血、利尿、瀉藥之類嘅方法。放血喺１世紀就已經係主流療法，加倫認為最主要嘅體液係血之後，放血就更加普遍。放血量就由幾滴去到幾公升都有，視乎醫生點睇病人嘅情況，再決定去放幾多血同埋放幾耐。