體能活動

慢步走係一種常見嘅日常體能活動。

體能活動，又叫身體活動、體力活動等，係指緊自願、由骨骼肌產生嘅身體郁動，需要消耗能量嚟做。體能活動可以日頭或者夜晚做，強度可高可低，高強度嘅可以有短跑，而低強度嘅例子就有行路去附近舖頭或者打掃屋企呀噉。呢啲綜合活動唔洗一定有計劃，亦未必有目標。

體能活動對健康有深遠影響：唔夠活動會對健康造成一系列負面影響，包括係提高癡肥嘅機率，從而提高糖尿病、心血管病同埋癌症嘅風險；而實證研究表明，定時做運動可以改善身心健康。

因為體能活動咁重要，世界各地嘅政府都有投放資源做公共健康工作，喺社區、學校以至城市等嘅層面推廣體能活動，甚至會加入城市規劃方面嘅考量，譬如係提升運動用設施嘅可及度呀噉。

強度分級

負重訓練

睇埋：帶氧運動、無氧運動同代謝當量

體能活動嘅強度可高可低，由簡單嘅肌肉抽搐到全力衝刺等，都可以算係體能活動。喺概念上，可以將體能活動視為由坐喺度好耐到劇烈活動嘅連續體。以下呢個表格介紹一系列嘅示例活動。

強度	活動例子
久坐行為	坐喺度、瞓喺度
常設	企喺度唔郁
輕度活動	慢慢行，喺屋入便行嚟行去
中度活動	快步走，慢跑，輕度游水，行樓梯
劇烈活動	快跑，快速踩單車，短跑

研究顯示，體能活動可以減輕心理方面嘅問題，譬如係焦慮噉：做得多體能活動嘅人，傾向冇咁易出現焦慮症，焦慮程度嘅性格特質同埋焦慮生理指標（好似係血壓同心跳率）亦都會低啲。此外仲有證據指，體能活動可以減輕嚴重抑鬱症發作，當中長途跋涉喺呢方面特別有效。

相關指引

睇埋：健康行為

世界衞生組織嘅指引係噉：

• 18-64 歲嘅大人：

  呢啲人每個星期應該做最少 150 分鐘中等強度嘅帶氧運動，或者最少做 75 分鐘劇烈強度嘅帶氧運動，或者以等效方式混合中等強度同劇烈強度嘅運動。

  帶氧運動一次應該最少持續 10 分鐘。

  為咗得到更多健康益處，成年人應該將中等強度嘅帶氧運動增加到每星期 300 分鐘，或者每星期做 150 分鐘劇烈強度帶氧運動，或者等效嘅中等強度加劇烈強度組合。

  每個禮拜要有至少兩日，做涉及主要肌肉群嘅肌肉強化活動。

• 65 歲以上嘅大人：

  65 歲或以上嘅成年人應該一個星期最少做 150 分鐘中等強度帶氧運動，或者一個星期最少做 75 分鐘劇烈強度帶氧運動，或者等效噉混合中等同劇烈強度嘅運動。

  帶氧運動一次應該最少持續 10 分鐘。

  為咗得到更多健康益處，65 歲或以上嘅成年人應該將中等強度帶氧運動增加到每星期 300 分鐘，或者每星期做 150 分鐘劇烈強度帶氧運動，或者等效噉混合兩者。

  呢個年齡層嘅大人，如果行動不便，應該做運動嚟增強平衡力，避免跌倒，每個禮拜有三日或以上做呢啲運動。

  每個禮拜要有至少兩日，做涉及主要肌肉群嘅肌肉強化活動。

  如果呢個年齡層嘅成年人因為健康狀況無法做到建議嘅體力活動，應該喺佢哋能力同條件允許範圍內，盡量做適合嘅體力活動。

• 5–17 歲細路同青少年：

  5-17 歲嘅兒童同青少年每日應該最少累積 60 分鐘中等到劇烈強度嘅運動。

  如果運動超過 60 分鐘，可以帶嚟更多健康益處。

上便呢幅地圖畫緊二〇一六年世界各地嘅數據，反映唔同地區分別有幾多 % 嘅大人體能活動量不足。啲數據係由世界衞生組織收集嘅。 上便呢幅地圖畫緊二〇一六年世界各地嘅數據，反映唔同地區分別有幾多 % 嘅大人體能活動量不足。啲數據係由世界衞生組織收集嘅。

睇睇

兒童遊樂場成日見到嘅攀爬架；研究表明，運動設施嘅可及度會影響啲人做運動嘅意慾，因此公共健康專家有陣時會同城市規劃人員合作。

• 癡肥
• 體重管理
• 均衡飲食
• 公共健康

外拎

• （香港繁體）「普及健體運動」嘅目的，康樂及文化事務署
• （香港繁體）體能活動，衞生防護中心
• （大陸簡體）身體活動，世衞