魁北克教育制度
魁北克教育制度有學前班、小學、中學、學院、大學。有法文學校同英文學校。有公校又有私校。
教育系統[編輯]
| 教育類 | 等級 | 強制性 |
|---|---|---|
| 中學 | 中五 | 一定要讀，除非9月30夠16歲 |
| 中四 | ||
| 中三 | ||
| 中二 | ||
| 中一 | ||
| 小學 | 小六 | 一定要讀 |
| 小五 | ||
| 小四 | ||
| 小三 | ||
| 小二 | ||
| 小一 | ||
| 幼稚園 | 幼稚園二 | 隨便 |
| 幼稚園一 |
學齡[編輯]
淨係計9月30號嘅足歲，法律上，6歲至15歲啲人一定要讀書，9月30夠16歲啲人可以自願退學。
語文[編輯]
學前班學生、小學生、中學生必須讀法文學校，除非學生嘅爹或者媽咪喺加拿大讀過英文學校。學院學生同埋大學生可以讀法文或者英文。
學前班[編輯]
喺法文學校，學前班冇英文堂，喺英文學校，學前班冇法文堂。有幼稚園1（prématernelle）同幼稚園2（maternelle），讀幼稚園1必須喺9月30號夠4歲，讀幼稚園2必須喺9月30號夠5歲，幼稚園1係讀半日（淨係喺朝早或者淨係喺晏晝），幼稚園2係讀全日。學前班係喺啲小學校入便。原則上幼稚園1同幼稚園2都冇留班制度，不過幼稚園2可以破例留一次班。學前班唔係必須讀嘅。
小學[編輯]
讀小學嘅第1年，必須喺9月30號夠6歲。小學有6個年級。喺法文學校，小學每個年級都有英文堂，喺英文學校，小學每個年級都有法文堂。如果啲學生做錯太多功課、考試唔合格，曠課太多次、或者讀半日，下年就要留班，超齡（9月30號夠13歲）嗰年可以破例留一次6年班。
中學[編輯]
最細個讀中學嗰年嘅9月30號必須夠12歲。中學有5個年級。喺法文學校，中學每個年級都有英文堂，喺英文學校，中學每個年級都有法文堂。如果啲學生做錯太多功課、考試唔合格，曠課太多次、或者讀半日，下年就要留班，原則上最多留一次班。9月30號夠16歲啲人可以自願退學。喺大人學校嘅中學，最早讀都要16歲，每兩個月讀一級，如果考試唔合格就要考多次。
職業預科[編輯]
職業預科係預科畀啲自閉症學生讀，職業預科係喺某啲中學校入便，但係唔係間間中學校入便都有，最細個讀嗰年嘅9月30號必須夠15歲，呢種預科有實習。職業預科有3個年級。如果啲學生成個學年都搭學校巴士去返學、操行太差、或者偷雞咗太多實習，下年就留班，但係就算啲學生一啲都冇偷雞過實習、自己搭城市巴士去返學、又操行好好，下年都可以自願留班。超咗齡嗰年（9月30號夠21歲嗰年）淨係可以破例留3年班留一次，但係如果超齡之前冇升3年班，超咗齡嗰年唔可以破例繼續讀，淨係可以讀大人學校或者退學。
普通教育與職業教育學院[編輯]
普通教育與職業教育學院係一種學院。大學預科班有3個年級，技巧班有2個年級。喺法文學院，每個年級都有英文堂，喺英文學院，每個年級都有法文堂。最細個讀嗰年嘅9月30號必須夠17歲。如果啲學生曠課太多次，下年就要留班。
大學[編輯]
最細個讀大學嗰年嘅9月30號必須夠20歲。有3個年級。有實習。喺法文大學，每個年級都有英文堂，喺英文大學，每個年級都有法文堂。如果啲學生曠課太多次，下年就要留班。