魂系遊戲
魂系（英文：Soulslike）係動作 RPG 嘅一種，特點係難度高而且睇重用環境嚟講故仔。個名嚟自魂系列，最早係源自FromSoftware 2009年嘅作品《惡魔靈魂》（英文：Demon's Souls），當年作品發佈之後首輪反應麻麻哋，但幾星期之後網路上開始有遊戲社區討論遊戲，主要係因為遊戲難度相當高，非常硬核，雖然最初「勸退」唔少人，但留底繼續遊玩嘅人係鍾意挑戰成就感。
FromSorftware 雖然喺《惡魔靈魂》一作出稱唔上商業上成功，但仍然沿用核心哲學，開發咗《黑暗靈魂》（英名：Dark Souls）三部曲，亦有口碑之作《血源詛咒》（英名：Bloodborne）以及《隻狼》（英名：Sekiro），於2022年發佈嘅《艾爾登法環》更係結合咗開放世界同魂系，加上當年covid 期間好多人WFH，最後聲明大噪，令魂系由當初小眾，逐漸變成廣泛玩家關注嘅一類作品。
