鮮浪潮
鮮浪潮（英文：Fresh Wave）係致力推動香港電影創作同發展，發掘同培養有潛質年輕電影人才嘅創作平台，每年舉辦「鮮浪潮國際短片節」，致力鼓勵香港年輕人以短片發聲，藉住提供拍攝資助畀佢哋大膽想像同發揮，跳出固有框框，接觸更多唔同拍攝風格同題材嘅作品。
簡介[編輯]
鮮浪潮由發起人兼主席杜琪峯先生帶領，一直致力推動香港電影創作同發展，發掘同培養具潛質嘅年輕電影創作人才。 鮮浪潮每年舉辦「鮮浪潮國際短片節」，短片節主要由「本地競賽」同「精選國際短片放映」兩部分組成。「本地競賽」提供培訓、創作資助同展示作品嘅平台，藉此提升年輕電影工作者嘅實際技能同作品質素，並協助佢哋尋找發展機遇，為業界注入更多新動力。另一方面，短片節多年嚟同國際電影組織合作，將優秀嘅國際短片搬上大銀幕，務求加強香港同海外電影之文化交流，擴闊香港年輕電影創作人同觀眾嘅國際視野。
另一方面，鮮浪潮亦持續朝電影賞析、教育同文化交流方面發展，締造更濃厚嘅電影創作同討論氛圍。除咗定期進駐校園舉辦校內放映同講座，自2017年開始更開展專題項目「焦點影人系列」，回顧並公開放映焦點電影大師嘅精采作品，並邀請導演本人、電影專家同跨媒介學者進行映後座談會等，同香港觀眾面對面切磋交流，深入特寫焦點影人嘅電影藝術生涯同作品。透過分享創作心得、睇完套戲之後嘅感受同研究發現，系列唔單止為公眾提供電影導讀，更能夠為電影藝術創作提供更完整同全面嘅論述，開拓更遼闊同深遠嘅思考同想像空間。
電視節目[編輯]
香港免費電視台ViuTV自2017年開始每年都會播映鮮浪潮嘅作品，節目名叫《鮮浪潮。語》。
