麓湖公園

  提示：呢篇文講嘅唔係鹿湖或天鹿湖森林公園。

麓湖公園嘅湖

麓湖公園（粵拼：luk1 wu4 gung1 jyun4）係廣州市嘅一個近郊公園，喺白雲山南麓，由白雲山風景區管理處管轄。

簡介

公園嘅湖係喺1958年起好，位置喺越秀區，東靠麓湖路；南邊係麓湖路同恆福路（橫枝崗地區）嘅交界；西邊係麓景路；北邊係白雲山。

地頭初名遊魚崗水庫，後尾改名金液池。因地處白雲山麓，1965年改名做麓湖，1984年辟做麓湖公園，成咗大型湖山公園（山水園林公園）。

面積

公園佔地面積係2500000平方米，其中水域面積係210000平方米，入面凈係得1個湖、而且個湖重好大，好似英文大寫字母——「W」。公園入面嘅風景都係以馬尾松、臺灣相思桉同埋由竹整成嘅混交林植物為主。

景點

呢間公園入面嘅主要景點係有：

• 山腳：
  • 聚芳園、簪香展館、蔭生植物棚、植物引種場、荷花池、半山植誼亭
• 山上：
  • 五層閣、翠雲亭
• 湖邊：
  • 真冰溜冰俱樂部、兒童遊樂園、星海園、白雲仙館、別墅式綠湖賓館、鹿鳴酒家、清涼界餐室、遊艇部同埋垂釣區等。

主要嘅景點

麓湖碑

喺麓湖嘅最南邊有棟牌係叫麓湖碑，而呢塊牌係爲咗紀念1958年嗰陣靠廣州市人民嘅義務勞動嚟整呢個湖嚟整咗呢棟牌。

聚芳園

喺麓湖嘅最北邊上咗山頂，嗰度重見到有間入面有大自然景嘅園中園。而園中園入面係有五層鵠樓同埋翠雲亭，葉蔭植物觀賞區同埋20000平方米嘅大草坪。有園林風格嘅餐廳同埋荷香燒烤場等。

星海園

内文：星海園

星海園係喺1985年12月起好。呢間嘢係廣州市嘅文物保護單位同埋其中一間愛國主義嘅教育基地。入面有紀念碑、墓道、塑像、紀念館、巨型石雕像、音樂亭廊同埋墓座，係爲咗紀念音樂家冼星海嚟起嘅。入面重有300平方米嘅室，係整咗冼星海在世嗰陣做咗啲乜嘢。

兒童樂園

内文：麓湖兒童樂園

兒童樂園喺1983年起好，初期凈得簡單幾個遊樂設施，後嚟發展到好多娛樂化嘅品種，重加多咗個泳池。但隨後因設施殘舊同埋場地損壞原因而兩次關門改造。2015年4月底加開咗間泳場。

附近嘅交通

• 巴士：

  橫枝崗站、麓湖路站、廣州藝博院站