麥當雄

出自維基百科,自由嘅百科全書
跳去導覽 跳去搵嘢
麥當雄
導演
羅馬拼音Mak Tong Hung
英文名Johnny Mak
國籍Flag of Hong Kong.svg 中國香港
出世 (1949-12-02) 1949年12月2號(72歲)
Flag of Hong Kong (1876–1955).svg 英屬香港
職業導演監製
語言粵語、英語、國語
教育程度中五
母校聖若瑟書院
屋企人弟:麥當傑
出道地Flag of Hong Kong (1959–1997).svg 英屬香港
活躍年代1971年-1997年
香港電影金像獎
最佳編劇
1992 《跛豪
金馬獎
最佳導演
1984 《省港旗兵

麥當雄(英文名:Johnny Mak Tong Hung1949年—),係香港電影導演、編劇同監製,以整警匪片見稱。1970年代麗的電視(亞洲電視前身)監製、麗的電視第一台(後來嘅本港台)台長,多次收視打敗無綫。至1980年代成為電影監製,攞過第十一屆香港電影金像獎最佳編劇。

生平[編輯]

麥當雄1949年喺英屬香港出世[1],出身喺亞洲電視嘅前身麗的電視。佢喺1962年考入聖若瑟書院[2],同劉松仁係同學。1969年喺香港聖若瑟書院畢業後,喺中西英文書院中學部教歷史科。至1970年同劉松仁一同加入麗的電視第五屆藝員訓練班,旋即轉投幕後。同期曾經喺1970年代香港電視黃金時期,麥當雄做麗的電視監製,主政麗的電視劇製作。早喺1974年佢開拍咗《十大奇案》就成功威脅無綫。之後開拍咗《大丈夫》、《大白鯊》、《鱷魚淚》、《天蠶變》等電視劇,都取得唔錯成績。

當其時麥當雄作風素以大膽見稱,如開拍《天蠶變》遇上主角鬧不和,麥當雄乃藉修改劇本乘機易角,引嚟轟動。後來無綫拍《楚留香》力抗《天蠶變》,麥當雄又以有限資源開拍咗八集週末劇《俠盜風流》,以穩住《天蠶變》收視。

當1981年麗的電視宣佈賣盤時,麥當雄適逢港產片崛起,投身電影界,成立咗自己嘅電影公司。佢監製嘅第一部電影《靚妹仔》就攞到佳績。到1984年《省港旗兵》更為麥當雄贏得台灣金馬獎最佳導演。

麥當雄多數以監製身份主導其電影創作,得《省港旗兵》等少數電影係由麥當雄親自導演,而日後較突出嘅作品例如《跛豪》、《三狼奇案》、《玉蒲團之偷情寶鑑》唔係以監製身份掛帥,就係出任編劇。佢啲作品多以警匪片、風塵片為題,有評者以「男盜女娼」來形容,題材上都多非原創,如《三狼奇案》係取材自1974年電影《天網》;《法內情》則續拍自吳思遠嘅《法外情》等等。不過相對於同期電影,麥當雄嘅作品都屬嚴謹、專業之作。當中《省港旗兵》曾為麥當雄獲得金馬獎最佳導演,亦喺2005年被選為百年內最佳一百部華語電影嘅第六名。佢嘅另一製作《跛豪》曾經獲得第十一屆香港電影金像獎最佳電影、最佳編劇,票房更創下3800萬港元佳績。由佢製作嘅三級色情電影《玉蒲團之偷情寶鑑》嘫香港同歐美地區亦受到唔少影迷歡迎。

隨著1990年代中後期港產片市道不景,公司幾乎冇任何出品,1998年麥當雄淡出電影製作,而改喺中國大陸經商。其最後一部電影係1997年上映嘅《黑金》。

  1. "麥當雄(出品人、監製、編劇、導演)" (pdf). 香港特別行政區康樂及文化事務署電影資料館. 原先內容歸檔 (PDF)喺2021-05-27. 喺2021-05-27搵到.
  2. "小學升中攷試揭幕". 華僑日報. 1962-07-20. p. 25. 喺2021-11-08搵到.