麻笏圍
22°29′56″N 114°09′00″E / 22.49889°N 114.15000°E
麻笏圍（Ma Wat Wai），喺香港新界粉嶺龍躍頭老圍西北，係龍躍頭鄧族聚居嘅圍村，係龍躍頭「五圍六村」之一。圍門喺1994年11月25號被評為香港法定古蹟。
史[編輯]
龍躍頭鄧族係由錦田鄧族分支出來嘅，原本叫「鬱蔥圍」嘅麻笏圍係鄧氏族人喺清乾隆年間（1736-1795年）所起。
結構[編輯]
麻笏圍原本四面起咗圍牆環繞，四角都起咗更樓，但部分圍牆同四個更樓後來拆咗。原本叫「鬱蔥圍」嘅麻笏圍喺圍門上面紅粉石門額刻住「鬱蔥」二個字，意思係春蔥生長茂盛嘅地方，兩邊嘅對聯係「前環鳳水 後擁龍山」。麻笏圍嘅圍門向北，並裝咗連環嘅鐵門。圍裏面嘅房屋排列整齊，正中主巷嘅盡頭設有神壇供奉祖先。
-
刻有「鬱蔥」二字嘅門額 -
麻笏圍連環鐵門
麻笏村[編輯]
麻笏村喺麻笏圍嘅北面，係起咗大量新型村屋嘅新發展鄉村 。
參考[編輯]
- 《新界宗族文化之旅》，嚴瑞源編著，萬里書店，ISBN：962-14-2936-6