麻笏河
麻笏河，香港一河，喺新界中北部，上游歸大埔區，下游歸北區，英文寫Ma Wat River。
水來自大埔北便二山，九龍坑山同北大刀岃，兩山間成大谷平原，水沿山支流注入。至南近圍頭村同康樂園，合流於泰亨，入南華莆，北過橋頭，屈入塘坑，再過安樂村，轉入龍躍頭。喺覲龍村西面，注入梧桐河。而梧桐河又注入深圳河，出后海灣。
古時林村河並非注入大埔海，反而注入麻笏河。平原河涌，易因沙泥沉積而改道，亦或許為人耕作干擾而改道。
麻笏河喺橋頭嗰邊，設有尼龍壩，用來引水落輸水隧道去船灣淡水湖。麻笏河多治水工程，大部份水道都改為人工河道，以免地方水浸。
名[編輯]
廣東話笏字讀忽，然而英文標音為屈。龍躍頭有麻笏圍，條水或因佢而名。地政總署只標註塘坑到梧桐河為麻笏河。上游並無記名，土名或為大坑。皆因泰亨或為大坑一音之轉。
物種[編輯]
動物有長尾南蜥、澤蛙、瘤擬黑螺、樹麻雀、狹腹灰蜻、泥鰍。植物有海芋、鴨跖草、石菖蒲、蒲葵。
攷[編輯]
- 〈麻笏河〉. 渠務署.