黃國昌狗仔隊侵犯他人私隱風波

喺2025年10月，台灣民眾黨主席兼立委黃國昌被揭發利用吹哨者保護協會做掩護，聘用狗仔隊跟蹤偷拍唔同政治人物，被指係佢用嚟攻擊政敵，引起公眾關注。其中公開表示自己係受害人嘅包括有行政院長、監察院長、府院黨三大秘書長、警界最高首長、立法委員(民進黨蔡適應，國民黨顏寬恒)、監察委員等，甚至有同屬民眾黨嘅柯文哲。另外狗仔隊甚至向泛藍民意代表兜售偷拍到嘅相，每次交易涉及2－4萬，其中王鴻薇、侯漢廷都有用過呢啲狗仔隊提供嘅素材。事件亦導致《菱傳媒》停止運作。

事件被揭發經過

• 9月22號：民進黨立委王義川召開記者會，踢爆跟拍佢闖紅燈嘅其中一個狗仔叫李郁衿，呢個人曾經做過黃國昌嘅助理。
• 9月23號：網紅四叉貓爆料，話李郁衿懷疑有回捐十萬蚊薪水。
• 9月26號：《鏡報》報導，凱思國際嘅背後係由黃國昌組織嘅「狗仔隊」，呢隊人由幾個記者出身嘅狗仔組成，專門鎖定偷拍政敵，包括好多政務委員、監察委員同埋立法委員等等。
• 9月29號：俾人指係狗仔隊主帥嘅謝幸恩向《中央社》發表聲明辭職。《中央社》之後表示，仍然會追查佢係咪涉及背信行為。
• 10月7號：《鏡週刊》指控謝幸恩夥同國民黨立委王鴻薇嘅助理張凱維，向外兜售偷影返嚟嘅相片。報導指台北市議員侯漢廷同張斯綱係主要買家。

受害人

蔡適應

喺2025年，民進黨前立委蔡適應喺社交媒體表示，佢係黃國昌狗仔隊嘅第一波受害者。蔡適應話，喺2022年縣市長選舉期間，黃國昌喺毫無根據嘅情況下，僅憑一段來路不明嘅錄音，就惡意指控佢違法介入林口眷村都更案，甚至話佢同天道盟有所關聯，令佢當時參選基隆市長嘅選情受損。

顏寬恒

喺風波被揭發後，《菱傳媒》社長陳申青喺內部嘅會議揭露，創刊號爆出台中顏家嘅「105號系列碼頭案」獨家報導係來自黃國昌嘅狗仔隊集團，而報導期間，正值中二選區補選，當時顏寬恒正在參選，而選舉最終由林靜儀勝出。

各界反應

台鋼集團

台鋼集團係《菱傳媒》嘅最大股東，而《菱傳媒》亦被指控同黃國昌狗仔隊關係密切，事件曝光後台鋼喺9月30日決定迅速切割，全面終止營運《菱傳媒》。

王義川

10月3號：王義川去臺北地檢署正式提告黃國昌、謝幸恩等人，控告內容包括涉嫌違反《個資法》、《社維法》、《國安法》，以及妨礙秘密罪等等。

張斯綱

張斯綱否認有購買呢啲偷拍到嘅相，又話揭弊內容屬實，沒有變造、栽贓情事，這部分沒有疑義；至於此案爆出看起來是內部矛盾，就不評論。

侯漢廷

侯漢廷回應話「查證費用合情合理」，對於其他嘢就「無可奉告」。

黃國昌

對於事件，黃國昌表示佢個人從來冇收過媒體一毫子，又公開稱讚謝幸恩係一名優秀嘅調查記者。

王鴻薇

王鴻薇回應指，佢由頭到尾都唔識亦都從未以任何方式聯絡過謝姓記者（即謝幸恩）。佢話經佢向助理（張凱維）查問同了解之後，助理亦都向佢再三確認。