黃均瑜
黃均瑜（？—），香港親中派人士，亦係一名教育界人士。
2020年4月26號，港區全國人大代表張俊勇捲入錢債官司，夾埋欠債超過一千萬港元，張因而辭去人大職務[1]，而黃均瑜就遞補成為第十三屆全國人大代表[2][3]。佢依家亦係選舉委員會成員[4]。
教育工作同崗位[編輯]
政治立場同爭議[編輯]
黃均瑜係香港親中派人士，大力推動香港愛國教育，並曾多次公開發言批評民主派嘅行動同埋支持政府。例如，佢不時批評親民主派，支持解散曾經係全港最大工會嘅教協，話佢政治化[6]。不過，佢嘅言論亦引起一啲爭議。
倡議香港愛國教育[編輯]
黃均瑜曾經建議全港中小校每周升國旗一次，由官校做起，培養學生對國家嘅認同感 [7]。
無證據憑空攻擊反對逃犯條例修訂嘅聯署[編輯]
喺香港逃犯條例爭議期間，黃均瑜所屬嘅教聯會曾經發聲明支持修例，又聲稱噉樣係好正常，但對於當時最少200間大專同埋中小學校友、教職員同學生發起反修例聯署，黃均瑜就喺香港電台城市論壇節目入面，攻擊呢啲聯署係政治操作，當場被其中一名中大校友聯署發起人指責，批評佢侮辱發起聯署嘅人，教育界立法會議員葉建源指出，喺提出有關指責之前，必須提出證據，冇證據就應該道歉 [8]。
對六四屠殺嘅否認同讚許[編輯]
内文：對六四屠殺嘅否認同讚許
喺1989年6月4號，中國共產黨派中國人民解放軍武力鎮壓北京天安門學生運動，造成無數傷亡同埋好多國家嘅譴責。不過由事件發生到而家，有唔少親中共人士都曾經發表對六四屠殺否認嘅言論，支持中共當時屠殺嘅決定。其中就包括黃均瑜，佢喺2019年6月，喺香港電台節目《城市論壇》採取淡化事件嘅講法，又話全城死嗮先算屠城[9]，時事評論員黃世澤就批評佢，話佢應該被視為犯罪組織同路人，要用紐倫堡原則對付[10]。
選舉經歷[編輯]
喺2021年9月，佢成為香港特别行政區選舉委員會教育界當然委員[11]。之後佢喺李家超無提政綱嘅情況下，有份提名李家超參與2022年香港行政長官選舉[12]。
參考[編輯]
- ↑ 陳嘉洛. 〈人大常委會將審議港區人大張俊勇辭職 譚耀宗：做錯事請辭有承擔〉. 喺2020-05-18搵到.
- ↑ 2.0 2.1 2.2 2.3 〈第十三屆全國人民代表大會常務委員會代表資格審查委員會關於個別代表的代表資格的報告_中國人大網〉. www.npc.gov.cn. 喺2020-05-11搵到.
- ↑ 〈黃均瑜稱接任人大後將盡力令更多港人明白國家體制〉. 喺2020-05-18搵到.
- ↑ 〈15名選委會當然委員登記裁定有效 為港區人大及政協 - RTHK〉. news.rthk.hk (臺灣中文). 喺2021-11-07搵到.
- ↑ 〈科技創新教育聯盟成立3周年 今起舉辦「科創大講堂」〉. hk.news.yahoo.com (中文). 喺2021-11-07搵到.
- ↑ 歐陽德浩 (2021-08-11). 〈教協解散｜拒與暴力割席超越底線 黃均瑜︰解散對教育界得大於失〉. 《香港01》 (香港中文). 喺2021-11-07搵到.
- ↑ 陳嘉洛. 〈料遞補港區人大代表 教聯會黃均瑜倡中小學官校每周升國旗〉. 喺2020-05-18搵到.
- ↑ 〈【逃犯條例】黃均瑜批聯署政治操作 教聯會曾聲明撐修例 黃：好正常 (10:23)〉. 喺2020-05-18搵到.
- ↑ 〈【六四30】教聯會否認屠城親中團體：學生爬軍車掟物屠殺解放軍〉. 《蘋果日報》. 2019-06-02.
- ↑ 黃世澤, Martinoei (2019-06-02). 〈六四 與大屠殺否認者〉. 《MO's notebook 4G 黃世澤 的筆記簿》 (臺灣中文). 喺2021-06-12搵到.
- ↑ 〈一文睇清1448名新選委全名單〉. 《香港文匯網》 (中文). 喺2022-08-11搵到.
- ↑ 〈一文看清李家超786張提名〉. 《信報網站 hkej.com》. 喺2022-09-02搵到.