黃百鳴

黃百鳴（1946年 4月8號—）係港產片出品人，曾經做過電影監製同演員。

黃百鳴早年曾經喺無綫電視做演員，曾經喺無綫劇集《民間傳奇》入面演過戲。無耐佢投身電影圈，成立咗新藝城影業，專門拍攝電影。佢製作嘅電影好多，以笑片最成功，好似1982年佢嗰部《最佳拍檔》就收二千七百萬票房，破咗香港歷嚟票房紀錄。1984年佢演出嘅《開心鬼》收近二千萬票房，令黃百鳴風光一時。

佢喺1991年摺咗新藝城轉開東方電影，憑住《家有喜事》收四千九百萬票房，再一次打破香港歷嚟票房紀錄。而1997年佢嘅《97家有喜事》亦都收四千萬票房。