思米

  提示：呢篇文講嘅唔係壹仔或許光漢。

思米（英文藝稱：SeeMi；中文正稱：黃群壹；英文正稱：Wong Kwan Yat；中文綽號：一仔、白卡許光漢；生日：2007年9月14號；性別：男）係個擅長踩單轆單車以及越野跑嘅香港KOL，乃白卡聯盟成員，喺寶血會思源學校、炮台山循道衛理中學以及賽馬會官立中學讀過書，為中國人民解放軍同𠹺香港警察之狂熱擁躉；其多數作品屬搞笑類，部分影片嘅「觀看次數」已經係百萬計。

要事

• 響2023年2月4號，思米等男仔一齊去咗神戶食堂前面撩郭德英嗌交；後者報警之後差佬到場並且口頭警告咗前者數人……雖然是次衝突本質上係藍色經濟圈內鬥，但係郭女士經其YouTube頻道指控眾男童為黃絲，令到外界誤會
• 響2024年2月3號Tatler XFEST 香港期間，身分為觀眾嘅思米唔守規矩，喺香港大球場嘗試衝過去攬下負責表演嘅美斯；唔成功
• 響2024年7月26號香港動漫電玩節 2024期間，思米喺香港會議展覽中心俾與佢一樣係參觀者嘅劉馬車打；雙方亦有互鬧……疑似前因係前者借咗後者四千蚊冇還；確切後果係後者俾差人拉咗，前者則入過廠就醫
• 未成年嘅思米響2025年2月下旬喺太子道西接受無綫電視記者訪問時，亂噏自己有外圍豪賭籃球嘅習慣，又話假如政府開辦（正當嘅）呢類生意，會即刻幫襯（該類賭局對客户設有年齡限制，意味佢要投注嘅話，必須靠非法手段。），編輯利用該片段和應霍啟剛對於二零二五至二六年度《財政預算案》嘅支持意見；新聞節目播出之後，佢打趣式解畫，仲提到曾經考慮將個大話講得更加誇張
• 響2025年4月4號，喺山頂公園甲亢哥領銜嘅真人騷直播節目之中，有思米將前者條面褲拉低，令其底褲露出嘅畫面；外界對此議論紛紛，後者其後表明當時自己嘅身分係演員，事後亦得到主辦方嘅獎勵
• 無綫電視響2025年9月23號喺梳士巴利道拍攝黎在山現場報道關於樺加沙嘅直播新聞時，思米等人不請自來噉去到佢身後跳舞，成功喺嗰個節目之中上鏡；該舉動引嚟一啲批評
• 有人報案話收到附有𠝹刀刀片嘅恐嚇信，於是港警響2025年10月23號拉咗思米等七個男疑犯；《東周刊》好快就（可能違法噉）公開嗮呢幾條友嘅準確身份；過咗冇幾耐，思米發布段自己同另外兩個被捕者合演嘅戲劇短片——包含佢哋（冇表示其餘嗰四個如何……）否認該案責任以及（疑似）就俞俊楠自殺事件控訴施害者嘅信息

社媒

• 思米嘅Facebook個人檔案（新）
• 思米嘅Facebook個人檔案（舊）
• 思米嘅Instagram個人檔案（主）
• 思米嘅Instagram個人檔案（副）
• 思米嘅Threads個人檔案
• 思米嘅YouTube頻道
• 思米嘅Fandom條目