黃豆

物種分類

Glycine max
(L.) Merr.

黃豆（粵拼：wong⁴ dau^6*2，學名：Glycine max），又叫大豆（daai⁶ dau^6*2），係豆科大豆屬嘅一年生草本植物。大豆係中國四大油料作物之一。

簡介[編輯]

根生咗好多波形嘅根瘤。葉係3塊細葉仔嘅複葉。花係白色或紫色，短總狀花序，花冠係蝶形。果係莢果品種。籽係橢圓形。

大豆植物能夠固氮，即係將空氣入邊嘅氮氣轉化成氨或者第啲化合物。呢啲化合物係好多生物都好需要嘅。

白色嘅係豆腐，啡色嘅係豉油，都係黃豆製品。

黃豆嘅籽有勁多蛋白質。^[1]其中含油量一般係18~20%，主要成分係容易俾人吸收利用嘅不飽和脂肪酸。入面有38~40%蛋白質，係小麥嘅3倍，粟米或稻米嘅4倍幾。

大豆可以攞來提煉食用油。

大豆加工之後可以攞來整豆腐、豆漿、豉油、腐乳或麵豉。

大豆可以做醫藥、化妝品原料嘅甘油同潤滑油。佢重係整噴漆、人造橡膠、人造汽油、人造羊毛、高級尼龍、菲林、番梘、炸藥等等嘅原料。

大豆係好常見嘅過敏原。

大豆作為一種緊要嘅農作物，喺全球多間交易所有大豆期貨買賣。