《黑白殭屍》係一套諧趣短劇，係香港無綫電視喺1980年代嘅細路電視節目《430穿梭機》入面嘅環節之一。
呢套短劇係由當時嘅新晉藝人，同時亦係《430穿梭機》主持人嘅周星馳、龍炳基同埋曾華倩主演，係一集完嘅單元形式故事，而劇情主要就講述兩個同居殭屍嘅故仔：
經常着白禮服嘅白殭屍（龍炳基飾）同全身黑禮服嘅黑殭屍係一對互相鬥氣，但係又互相扶持嘅冤家，佢哋同樣鍾情於一個人類女仔 Beautiful（曾華倩飾），成日為咗鬥討好Beautiful而鬥智鬥力；但係佢哋有個好大嘅阻礙，就係有個喺隔篱住嘅肥仔阿發仔（當時嘅童星林必發飾）成日從中作梗，成日諗計整蠱兩隻殭屍，搞到兩隻殭屍哭笑不得。
節目輕鬆惹笑，唔只小朋友鍾意睇，就連大人而家都想搵返呢輯劇集返嚟回味。
