默西鐵路

默西鐵路 Merseyrail
資料
擁有者	默西交通局、鐵路網公司
服務區域	默西郡同附近地區
區域	默西郡 車士打郡 蘭卡郡
交通類型	通勤鐵路
路線數量	2 條
車站數量	69 個
年客流量	2550 萬（2022／2023）
行政總裁	廖・加立咸（Neil Grabham）
總部	利物浦鐵路樓（Rail House）
網站	www.merseyrail.org
作業
開始運作	1886 年
營運商	默西鐵路電子 2002（Merseyrail Electrics 2002）
列車總數	57
車長	3、4 卡（非繁忙時間） 6、8 卡（繁忙時間）
間隔時間	每 15 分鐘（平常） 每 5 分鐘（中央路段） 每 30 分鐘（艾斯美亞港（Ellesmere Port）支綫、平常夜晚同星期日）
技術
軌距	標準軌
動力方式	750 伏直流
系統地圖

默西鐵路mak6 sai1 tit3 lou6（英文：Merseyrail）係英國一個通勤鐵路系統，服務英格蘭默西郡同埋附近車士打郡同蘭卡郡部分地區，共有 69 個站同 2 條綫：北綫同威盧綫。全系統目前皆用 750 伏特直流電第三供電軌供電。2023 年 1 月，默西鐵路開始更換其列車隊，以新訂購嘅英國鐵路 777 型列車嚟取代現有嘅 507 同 508 型。2022 同 2023 期間，默西鐵路總行程量達到 2550 萬，雖然係自新冠肺炎爆發以嚟最高嘅客量，但係仲比疫情爆發前嘅 3060 萬低。

路網

北綫

如上圖，北綫喺路綫圖同告示牌上被標記為藍色。北綫主要分為三條分支：由亨士十字至南港、由利物浦中央至昂斯卻同由利物浦中央至赫布里，皆喺由沙山至利物浦中央嘅中央路段匯合。每條支綫提供每 15 分鐘一班車嘅服務，係中央路段三條支綫疊起嚟就等於每 5 分鐘一班。

威盧綫

如上圖，威盧綫喺路綫圖同告示牌上被標記為綠色。威盧綫可以分成四條分支，全部皆喺市中心麼田、利物浦青檸街同利物浦中央三個站組成嘅圓環出發往西，分別去新比拉頓、西卻比、車士打同艾斯美亞港。

服務

平常工作日非繁忙時間嘅服務如下：

北綫
路綫	班次頻率	途徑
亨士十字至南港	每個鐘 4 班	利物浦南大道、卡利盛頓、艾加巴、聖米高、比蘭斯域、利物浦布迪（2025）、利物浦中央、麼田、沙山、銀行大廳、布圖柯利奧路、布圖新史特蘭、史科夫及利化蘭、窩打老、比蘭杜沙及卡羅斯比、大廳路、高鎮、芳比、鮮田、艾尼斯地、山邊、白地、南港
利物浦中央至昂斯卻	每個鐘 4 班	麼田、沙山、卻地、禾頓、柯利公園、艾尼樹、舊盧恩、麥豪、麥豪北、城鎮綠地、岳頓公園
利物浦中央至赫布里	每個鐘 3 班	麼田、沙山、卻地、飯里、化沙卡利、卻比
威盧綫
路綫	班次頻率	途徑
麼田、利物浦青檸街同利物浦中央至新比拉頓	每個鐘 4 班	利物浦占士街、波勤赫咸苗頓廣場、干威、波勤赫公園、波勤赫北、禾利斯村、禾利斯樹林路
麼田、利物浦青檸街同利物浦中央至西卻比	每個鐘 4 班	利物浦占士街、波勤赫咸苗頓廣場、干威、波勤赫公園、波勤赫北、別斯頓、利蘇、摩頓、美奧士、莊園路、凱湖
麼田、利物浦青檸街同利物浦中央至車士打	每個鐘 4 班	利物浦占士街、波勤赫咸苗頓廣場、波勤赫中、綠里、石渡輪、比並頓、陽光港、史別圖、比朗堡徑、東咸徑、豪頓、其濱哈士特、比治
麼田、利物浦青檸街同利物浦中央至艾斯美亞港	每個鐘 2 班	利物浦占士街、波勤赫咸苗頓廣場、波勤赫中、綠里、石渡輪、比並頓、陽光港、史別圖、比朗堡徑、東咸徑、豪頓、細薩頓、奧科浦