黯夜守護者
《黯夜守護者》（英文：Against Darkness），係香港電視廣播有限公司拍攝製作嘅時裝警匪電視劇，由陳展鵬、陳煒同陳敏之領銜主演，並由江嘉敏、謝東閔、李國麟、袁文傑、車婉婉同李成昌聯合演出，編審鄭成武，監製徐正康同吳冠宇。[1][2]
2020年12月29號，劇組舉行造型記者會。[3]2021年1月27號，劇組舉行拜神儀式。[4]4月18號殺青。 呢套劇原本係2022年4月4號首播，但因為改播《金宵大廈2》而被抽起，直到9月5號先播。
故仔大綱
[編輯]沙展高輝（陳展鵬飾）做完臥底任務好多年，一直走唔出陰霾。高輝被調到重案組警署警長方梓翹（陳煒飾）所屬嘅警區，兩個人喺查案期間逐漸磨合，建立默契。梓翹做嘢拼搏，兼顧唔到家庭，個仔仲識咗古惑仔而陷入危機。火鍋舖老闆娘盧倩雯（陳敏之飾）當年少不更事，為社團大佬羅威（李國麟飾）生咗個女盧小寶（江嘉敏飾），兩母女好彩有高輝關顧。做咗KOL嘅小寶為咗博出位而冒險，揭發毒品交易情況⋯⋯為咗保護摯親，高輝、梓翹做咗黯夜嘅守護者，誓要將黑勢力連根拔起！
演員
[編輯]- 陳展鵬 飾 高輝（輝Sir、細輝哥）
- 陳煒 飾 方梓翹（CK）
- 陳敏之 飾 盧倩雯（Da姐）
- 江嘉敏 飾 盧小寶（Shabu）
- 謝東閔 飾 李文杰
- 李國麟 飾 羅威（威爺）
- 袁文傑 飾 林偉倫（William）
- 車婉婉 飾 湯玉蘭（Madam Tong）
- 李成昌 飾 程國彪（老鬼）
攷
[編輯]- ↑ 〈黯夜守護者｜陳煒時隔15年再與陳展鵬袁文傑合作〉。《明報OL》。2022-08-31。
- ↑ 〈有江嘉敏咁大個女！陳敏之「清倉作」突破心理關口頂硬上〉。on.cc。2022-08-31。
- ↑ 〈《黯夜守護者》揭示社會黑暗面〉。TVB Weekly。2020-12-30。
- ↑ 〈《黯夜守護者》拜神儀式 陳煒否認好事近 囡囡氹掂陳展鵬〉。TVB Weekly。2021-01-27。