龍津路 (廣州)

出自維基百科,自由嘅百科全書
Jump to navigation Jump to search
龙 津 路
LONGJIN LU
GZ rd sign W.svg Guangzhou rd middle.png GZ rd sign E.svg
性質: 一般馬路
全長: 2.3公里
行車線: 雙向2——3車道
地區: 廣州市荔灣區
起點: 多寶路同埋恩寧路嘅交界
終點: 人民中路同埋惠福西路嘅交界
主要建築: 和業廣場
荔灣湖公園
富力廣場
廣州廣播電視大學龍津校區
榮華樓

龍津路粵拼lung4 zeon1 lou6)係中國廣東省廣州市嘅一條馬路,喺荔灣區入面,成條馬路東西走向。西邊從多寶路同埋恩寧路嘅交界開始,一直向東去到人民中路同埋惠福西路嘅交界嗰頭。成條路好似符號「┏━」噉嘅樣。

概要[編輯]

全長2.3公里,闊10——17米,雙向2——3車道。呢條馬路分成西、中、東三段。除咗喺泮塘荔枝灣涌附近嘅龍津西路凈係可以從東向西行之外,其他都係雙行線。

龍津路嘅三條道路,起點到終點[編輯]

[編輯]

關於「龍津」[編輯]

廣東好多城市都有條路嗌「龍津路」,所謂龍津即係「聚龍通津」,所有龍津路都對正城門津樑。舊時築城,都要請風水佬測正條龍脈來開城門,既然條路聚龍氣通出津樑,咪「聚龍通津」嗌「龍津」囉[1]

古仔[編輯]

呢條馬路喺明朝嗰陣時,有位英國商人去咗五仙觀嗰邊玩,結果佢睇到好細隻嘅葛藤上面重吊住成千斤嘅大鐘。雖然話嗰啲葛藤都乾嗮,但係都重幾硬凈下。結果英國佬知呢個肯定係件靚嘢就呃咗廟祝公,就話咗一句:「你呢噉細條嘢重吊住咁大個銅鐘!哎呀,牙煙得滯咯啩!等我整條長嘅鐵線畀你哋去換咗佢喇!」結果睇到個廟祝公係個老實嘅人就應承咗呢件事。搞到英國商人就好開心噉將條葛藤拎咗返去白鵝潭嗰帶嘅驛館,結果佢見到條藤上面黐嗮啲塵上去,就丼咗落去水入邊去洗返乾淨佢,點知個藤掂到水就變咗條龍出嚟!重捹甩咗英國佬嘅手飛咗上天,而飛咗上天嘅龍就唔小心將笪口水滴咗喺西關嗰邊,於是啲人就嗌佢做「龍津」。

鴉片戰爭嗰時[編輯]

以前鴉片戰爭嗰陣時唔係嗌「龍津路」,嗰陣時嘅龍津東路口嗰度係「六甫水腳」,从光復路口去到紫來市場嗰條係「青紫坊」,到咗帶河路尾嗰條係「蘆排巷」。龍津中路嗰條之前係「龍津橋」同埋「龍津大街」。而龍津西路嘅荔灣湖公園東邊之前就係「三聖社大街」,荔灣湖公園南邊嘅就係「恩洲直街」同埋「恩洲七約」、「恩洲八約」。

開路[編輯]

呢條路附近主要有條龍津橋先至改咗名叫龍津路,而龍津路喺1930年就整咗條馬路出嚟。喺文化大革命嗰陣,惠福路同埋龍津路呢兩條路係嗌咗「向陽路」呢個名(其中龍津西路係嗌「向陽一路」、龍津中路係嗌「向陽二路」、龍津東路係嗌「向陽三路」)[2],到咗1982年,呢條路就重新改返原嚟之前嘅名,啫係依家叫「龍津路」。

特色[編輯]

呢條馬路兩邊有好多騎樓,有好濃嘅西關特色。

經過嘅道路[編輯]

呢度啲路嘅順序係從西去到東嚟排嘅,其中加粗咗嘅字係主幹道:

[編輯]

  1. 比如香港九龍城砦有龍津路、龍津道。參攷龍津路 互聯網檔案館歸檔,歸檔日期2014年12月17號,.
  2. 1982年10月嘅廣東科技出版社出嘅交通安全手冊,第80頁同埋第81頁之間嘅路線圖