龍牙

出自維基百科,自由嘅百科全書
(由龍牙 (軍事)跳轉過嚟)
瑞士嘅龍牙陣

龍牙英文Dragon's teeth),又叫做龍齒龍牙桩,二戰時期使用嘅一種防禦工事。外型係多列角錐形,鋼筋混凝土構築嘅防禦堡寨。呢種係針對裝甲車、坦克車嘅防禦工事,可以同捷克刺蝟夾埋使用。係愛來阻止坦克車前進,一旦坦克車撞到咗龍牙,就會陷咗入去而喐不得其正。龍牙會令到坦克車頭趷起身、暴露咗車底出嚟,而容易畀啲炸藥攻擊[1]

[編輯]

最早嘅龍牙防禦工事,係 1923 年由瑞士總參謀部開發設置嘅,嗰時候啲材質就係鐵路鋼軌,體積約一公尺高,但好快被認為係抵抗唔到戰車嘅前進,因此 1941 年嘅時候就再造過,改用水泥製成三角形混凝土塊,瑞士人就稱佢哋做「三角朱古力」。

納粹德國喺 1938 年開始,用鋼筋水泥作為材料製造呢類工事,因戰車體積增長,因此體積亦持續加大。

布陣啲規格[編輯]

意大利版嘅龍牙
芬蘭版嘅龍牙,係就地用麻石堆放嘅成品

龍齒一般係多排一組嘅方式布置,每排係間著咁擺,令到啲車直鏟唔到過去,布置嘅規格係:

  • 1938 年型:闊 7.35 公尺、高 1 公尺、雙排布局、每排四格突出,可以阻到 20 噸以下嘅戰車
  • 1938 年加強型:闊 19.35 公尺、五排布局。
  • 1939年型:闊 13.45 公尺、三排布局,可以阻到 36 噸以下嘅戰車。

龍牙係由鋼筋加埋水泥建造嘅,由於需要掘地基,因此冇法喺後方啲工廠度製成;建造嘅時候,就喺設置防線嘅現場度,直接加鋼筋混凝土去鑄造完,鋼筋混凝土嘅密度係一立方公尺二點四噸(2.4 t/m³)。

其他[編輯]

呢種工事深入埋地底,係防止啲工兵會安炸藥破壞。不過由於佢實用,所以守護萊茵作戰嘅時候,反而成為德軍裝甲部隊嘅麻煩。喺瑞士係以軍事目的而保留啲龍牙,現代係轉咗做景點,畀人參觀,有啲龍齒因為提供地方畀生物住,就同樣就保留咗落來。

[編輯]

  1. 希特勒築不起的帝國夢 2015-01-27 中央社