龐貝古城

龐貝

龐貝古城（Pompeii）係古羅馬城鎮，喺意大利拿坡利省附近，維蘇威火山東南山腳嘅一座古城，距離羅馬大約係240千米，距離拿坡利大約係20千米，位置同而家嘅龐貝市（Pompei）重疊。喺公元79年，龐貝古城畀維蘇威火山爆發時嘅火山灰埋住，到18世紀先至出土，而家係世界文化遺產。

地理

龐貝古城係喺公元前600年左右建立，起喺意大利沙諾河（Sarno）附近嘅一個由附近嘅維蘇威火山（距離8公里，大約等於5英里）早期噴發形成嘅沿海岩石小山丘上面，高度大約係海拔40米（130 英尺）嗰度。

龐貝古城火山爆發嘅罹難者

考古挖掘

由於呢座古城突然埋咗喺火山灰入面，古城嘅屋同街都保存得好完整。因為火山爆發得好突然，當時龐貝古城嘅人完全唔知道，所以佢哋就好似困咗喺時光膠囊入面，為今日嘅我哋提供咗一個寶貴嘅歷史訊息。呢座古城嘅發掘工作係喺1748年開始，一直持續到2022年。透過挖掘龐貝古城，歷史學家同考古學家可以了解公元一世紀羅馬人嘅生活、文化、藝術等嘅情況。資料顯示，當時嘅龐貝古城係一座繁盛嘅城市。