1893年東亞寒流

出自維基百科,自由嘅百科全書
Jump to navigation Jump to search

 1893年東亞寒流粵拼jat1 baat3 gau2 saam1 nin4 dung1 aa3 hon4 lau4 係西元1893年1月下旬(大清光緒十八年臘月)嘅寒流,東亞各個地區同東南亞廣泛地區出現寒流,影響嗮成個中國大陸香港澳門臺灣,重有東南亞嘅越南泰國遠至新加坡出現極端低溫現象。

世紀寒潮影響東亞最劇時,均溫比較

簡述[編輯]

清光緒十八年十一月二十五至臘月初三,即西元1893年1月12號—20號,東亞普遍遭受一次強寒流侵襲,造成大範圍大雪、冰凍及低溫,危害相當嚴重。漢文獻有記載冰凍波及成個中國大陸香港澳門臺灣地區。

受影響地區[編輯]

大清帝國 大清[編輯]

廣東[編輯]

喺廣州地區,1893年1月出現連續幾日落大雪現象,平地積雪接近10厘米。東莞詩人何鯤寫過:

…乙未臘月廿一夜,打窗淅瀝隨風下,千門萬戶敞凌晨,青年皓首群相訝。初疑羅浮春已催,千樹萬樹梅花開,又疑五月木棉熟,南海廟前飛雪來。 子夜飄搖中止,鴛瓦平溝屐沒齒。兒童戲弄范以模,手掬瑤璠仙門裡。人盡冰銜在玉堂,蠣牆龍戶生輝光,沉香浦凍珠成海,白雲山擁玉為岡。…

廣州府喺寒潮期間錄到非官方嘅-5.0℃,現代氣象學家估計喺-3℃到。連增城縣誌都有寫夜晚黑落水變成冰,令樹木同牲畜都枯死同凍死嘅情況,當地重出現過幾尺厚嘅冰。喺南川縣落咗幾日大雪,連續出現10幾日嘅冰凍現象。

喺清遠,1893年1月初重出現過連續3日落雪,令平地出現兩寸幾嘅積雪。

海南[編輯]

清光緒十八年十一月二十七(1893年1月14號),瓊山「微雪」。

上海[編輯]

1893年1月中旬,上海遇到超強寒潮侵襲。呢個寒潮可能係150年嚟最犀利。

日期 最高氣溫 最低氣溫 平均氣溫 當日天氣
1893年1月12號 3.0 0.4 0.9 雨轉雪
1893年1月13號 0.9 -2.0 -1.6
1893年1月14號 -4.6 -7.4 -6.2 陰轉多雲轉陰
1893年1月15號 -6.2 -10.6 -9.0 多雲,有暈
1893年1月16號 -7.0 -11.9 -9.7 陰轉晴
1893年1月17號 -4.6 -10.2 -8.2
1893年1月18號 -3.6 -11.7 -8.1
1893年1月19號 -0.5 -12.1 -6.3
1893年1月20號 3.6 -7.0 -1.5

呢次寒潮令上海官方氣象站連續5日錄到最低-10℃嘅氣温,非官方重錄到-13℃嘅低温。

浙江[編輯]

德清地區,當地出現大範圍冰凍現象。連温嶺地區都出現河流結冰、花木枯萎及吐口水都變成冰嘅現象。甚至連百歲老人都聞所未聞。

福建[編輯]

泉州[編輯]

光緒十九年(1893年),「冬十一月,大雪。二十六夜,先雨後雪,檐溜為冰。黎明,雪飛愈大,平地深數尺」(民國《德化縣誌》卷18《祥異》)。

光緒十八年十一月二十九(1893年1月16號),晉江「天降棉花雪,盡日滿山遍野,行走不得,大雨淋漓……而厝上路邊,一望皆白,其形如棉花」。

據陳棨仁《藤花吟館詩錄.卷6》記載:「十一月二十九,泉州大雪,平地積尺,耆老相顧詫異,謂百餘年來未有也,不可無以記之。」賦詩兩首以紀:

「迂臘咚咚鼓正撾,元冥有意鬥春華。策帛驅絮散飛舞,散作長空萬道花。」

「天公一夜布財施,蔀屋都成暴富兒。璇室瑤台銀世界,更雕白玉一枝枝。」

廈門[編輯]

十一月二十八(1893年1月15號)同安山區大雪,至二十九日早仍雨雪霏霏如棉絮,地上如鋪白氈,坑澗皆平。廈門島亦有雨雪。

金門[編輯]

《澎湖廳誌》:「光緒18年11月天大寒,內地金門廈門大雪盈尺,為百年來所未有。」 [1]

《金門縣誌(十一年版)卷十二記載:「光緒十八年至二十四年間,浯島連年風霜雨雪,鼠疫橫行,民不聊生。」 [2]

《金門縣誌》(民八十年版)〈大事志.歷代祥異記〉:「光緒十八年,十二月初旬,雨雪三日,為年少者所未見。」


臺灣[編輯]

1893年刊載於上海申報嘅臺北府下雪新聞,被收錄喺同年日本官報

1893年1月,由於東亞世紀寒潮南下侵襲,由嗰個月18號開始,北邊由基隆到南邊嘅嘉義一帶都出現大範圍落雪,重出現咗觀音白頭、雞籠積雪等奇觀。尤其喺臺灣北邊嘅桃竹苗一帶,喺18號晚黑連續落咗三日暴雪,積雪一度超過200mm。有好多山區啲林木俾冰雪壓到冧嗮,竹塹城市區街道大雪難行,鐵路喺臺灣桃園嘅龜崙嶺段因為積雪太深而停運。

《澎湖廳志》:「十一月杪,天氣苦寒異常,街市皆閉戶,幾絕買賣。是月二十八、九,內地金門、廈門下大雪盈尺,為百年來所未經見者。澎雖無雪,而奇寒則相等云。」[3]

《樹杞林志》:「光緒十八年冬,大雪連下三日,平地高丈餘,深山中尤甚。樹梢堆積,斷者無算。」[4]

《嘉義館內採訪冊》:「光緒十八年八月十八日,狂風暴作,損壞民房,五穀多損。是歲饑。十二月,雪下數寸,六畜凍死。」[5]

《雲林縣採訪冊》:「光緒18年12月大雪,五穀、豬、羊多凍死。」[6]

廣西[編輯]

廣西「絮雪盈天,連降三日」,「百年以上榕樹,有被雪壓折次枯槁者」,積雪深數尺,大雪凍結如冰,為「歷來所未有」。

天津[編輯]

天津喺寒潮侵襲期間最低温度-27.8℃。

英屬香港[編輯]

1893年1月16號,由於北邊條寒潮向南跨過咗南嶺,一直到香港,令當地氣温極速下降到1.7℃[7],喺旺角九龍城一帶嘅地面菜田出現結或結現象[7]。17號尖沙咀市區出現0.6℃低温[7];連海拔500幾米嘅太平山頂都唔例外,出現咗-4.0℃嘅最低氣溫[7]。山頂區域喺半夜時分出現雪花紛飛現象。18號朝早,香港天文台錄到香港史上嘅最低溫——0.0℃[8],連九龍貨倉上嘅堆棧都舖咗埐薄冰[7]舊香港大會堂前嘅噴水池亦披咗白雪[7];連地面、屋頂都白茫茫一片。連太平山頂上都披嗮雪,有啲地方出現咗13cm厚嘅積雪。呢次係香港第一次出現有準確性嘅降雪紀錄。

葡屬澳門[編輯]

市區出現咗1.9cm嘅積雪。

英屬星加坡[編輯]

受到呢次寒潮影響,星加坡當地錄得最低19.1℃嘅氣溫。由於北邊冷空氣激發對流,造成連續落咗幾日嘅特大暴雨。

參考[編輯]

  1. [1] 《澎湖廳志》卷十一,〈舊事〉
  2. [2] 《金門縣誌》(民十一年版)卷十二記載
  3. [3] 《澎湖廳志》遠流新版
  4. [4]《樹杞林志》〈祥異考〉。樹杞林(新竹竹東),一丈約300公分
  5. [5] 嘉義縣館內採訪冊 打貓西堡(嘉義新港)
  6. 布嶼西堡(雲林崙背)
  7. 7.0 7.1 7.2 7.3 7.4 7.5 湯開建 蕭國健 陳佳榮 (1998年). 《香港6000年(遠古-1997)》. 麒麟書業有限公司. 第 頁252頁. ISBN 9622321232. (繁體中文)
  8. "這個特別日子的天氣". 香港天文台. 2003年6月19號. (繁體中文)

睇埋[編輯]