山西河南黑磚窯案

出自維基百科,自由嘅百科全書

2007年山西河南黑磚窯案(窯同窰讀搖),發生喺中國山西。嗰度嘅磚窯礦主,響拐子佬度買啲拐番嚟嘅人,當佢係奴隸,裏面重好多係細路仔,而呢班民工主要係來自河南省。礦主將佢哋鎖喺各個窯場,勞役佢哋,迫佢哋做一啲苦差,郁啲就打,令到佢哋唔少人殘廢、甚至死。案件被媒體曝光之後,引起國人公憤,結果得到中國中央政府重視,胡錦濤等批示各地方政府檢查、營救等各種措施。涉案嘅主要係窯場主王斌斌、佢老豆黨支部書記王東己同埋窯場承包人衡庭漢。

事件經過[編輯]

2007年6月5號,四百位,個仔畀人拐咗去山西做苦工嘅老竇,響中國共產黨河南省委直屬嘅《大河網》大河論壇嗰度,貼出一篇標題係《孩子被賣山西黑磚窯400位父親泣血呼救》嘅文。篇文貼出之後,引起外界廣泛回應。據統計,最後呢篇聯署信嘅點擊率,達到31萬次。兩日後,6月7號,有網友將篇文轉咗去中國另一個好多人用嘅網上論壇天涯社區

過多個零禮拜,6月18號,廣東維權律師唐荊陵發起藍絲帶公民行動,呼籲關注呢件事嘅,戴住藍絲帶直至到全部拐走嘅人返嚟為止[1]

最後,過多兩日,6月20號,中國國務院響發出嘅新聞公報裡面,指總理溫家寶要求打擊呢件事涉及嘅犯罪分子,黑惡勢力,又指涉及官員腐敗和失職問題,要嚴肅懲處[2]

參考[編輯]

  1. 國奴役案曝光後談引入反人道罪 亞媺 華盛頓:美國之音中文網,2007年6月18號. 原著喺2007-07-01歸檔. 喺2007-06-19搵到.
  2. 家寶聽取晉"黑磚窯"事件調查處理初步情況彙報 北京:國務院辦公廳. 原著喺2016年3月4號歸檔. 喺2007年6月20號搵到.