2016年岡比亞政治危機

2016年岡比亞政治危機響第8屆岡比亞總統選舉搞完之後發生。

背景

岡比亞2016年12月舉行總統選舉，巴羅勝出，大選結果得到國際社會接受，西非經濟共同體亦都支持巴羅，但係總統賈梅拒絕落台，要求搞多次選舉，重宣布全國進入緊急狀態九十日。

發展

聯合國安理會通過決議，要求岡比亞進行和平有序過渡，將權力移交畀贏出總統選舉嘅巴羅。1月19號，西非塞內加爾軍隊開入岡比亞，確保岡比亞新總統巴羅順利接掌權力。而巴羅就響塞內加爾嘅岡比亞大使館宣誓就職，佢響就職演講到下令岡比亞所有軍隊留響軍營。後來由畿內亞總統孔戴牽頭響1月20號上晝做最後斡旋行動。而西非各國領袖要求喺選舉輸咗嘅現任總統賈梅，響1月20號中午之前交出權力，唔係就用聯合國支持嘅地區力量，將佢驅逐，但係響中午之前，各國響岡比亞嘅軍隊唔會繼續推進。不過尼日利亞軍方就話，會派偵察機飛去岡比亞上空。

賈梅要求將交出權力期限推遲幾嗰鐘。得到聯合國支持嘅西非經濟共同體部隊，已經入咗岡比亞待命，並發出最後通諜，要求賈梅交出權力。共同體入面兩國領袖去到當地，再做最後努力斡旋。而在位廿二年嘅賈梅，響談判期間話願意落台，條件係唔再向佢追究刑責，同埋可以留喺家鄉。冇耐賈梅就響國營電視台發表講話，話作出良心決定，決定放棄領導國家確保國家和平，重感謝全國人民。之後搭飛機離開統治咗廿二年嘅國家，將權力交畀選舉入面贏出嘅巴羅，結束政治危機。另一方面，西非部隊已經去到岡比亞首都班珠爾，準備總統巴羅由鄰國塞內加爾返來。

後續

1月23號，岡比亞總統巴羅嘅顧問話，響選舉輸咗嘅總統賈梅離開國家之後，當局發現國庫超過一千一百萬美金唔見咗，國家陷入財困。有報道話，響賈梅離開國家嗰晚，見到有好多架名貴汽車同其他物品運到一架貨機到。

1月26號，總統巴羅已經啟程返國，將會出席簡單歡迎儀式，比較大型嘅正式歡迎儀式會響稍後舉行。民眾寄望佢兌現競選承諾，將國家以往嘅專制統治撥亂反正。