2017－2018年澳洲國會議員資格危機

喺2017年7月－2018年7月，有多名澳洲國會議員嘅資格被公眾質疑。

喺2017年10月，澳洲高等法院裁定，根據澳洲憲法第44條，國會議員唔可以擁有雙重國籍，結果造成包括時任副總理巴納比·喬伊斯（Barnaby Joyce）在內嘅多名國會議員失去議席或離職，事件亦造成當時嘅聯盟政府短暫失去國會多數，直到巴納比·喬伊斯同約翰·亞歷山大（John Alexander）喺補選重新取得議席。事件當時亦被視為一場憲政危機。

事件前後涉及8名參議院成員同埋7名下議院成員。上議院嘅出缺根據上一次選舉結果同名單遞補。下議院嘅出缺進行補選後都由原任議員重新攞返議席（除咗維多利亞州嘅Bateman選區，原任議員工黨David Feeney唔參與補選，結果由同屬工黨嘅Ged Kearney勝出之外）。

有一啲喺海外出世或者父母喺外國公民嘅政治人物亦因而被公眾關注，到底佢哋有冇雙重國籍，其中包括前總理艾保德（Tony Abbott），時任反對黨領袖比爾·修頓（Bill Shorten）。

後續

• 事件引發一啲人提議修改憲法，防止雙重國籍嘅議員被咁樣取消資格，但呢個做法需要公投。喺2017年11月尾到12月期間嘅一個民調入面顯示，有49%嘅人反對修改，有47%贊成，意見分歧。