貝魯特大爆炸係2020年8月4號挨晚，黎巴嫩首都貝魯特貝魯特港一個貨倉發生嘅大爆炸。至少192人死，六千人幾傷。
黎巴嫩政府話，有成差唔多三千噸嘅硝酸銨冇跟安全守則擺喺港口度，呢啲係爆炸嘅原料。美國總統侵話，有可能係恐怖襲擊，但係美國國防部就話呢單嘢純屬意外。
呢單爆炸引發民眾發起反政府示威。2020年8月10號，總理迪亞卜宣佈引領內閣因為呢件事而辭職，獲得總統米歇爾·奧恩批准。
