2025年遼寧遼陽酒店火災
| ||||
|---|---|---|---|---|
| 係一個 | 火燭、structure fire  | |||
| 發生喺 | 中華人民共和國 | |||
| 位處政區 | 遼陽 | |||
| 座標 | 41°14′39.43″N 123°9′55.76″E | |||
| 日期 | 2025年4月29號 | |||
| 死咗嘅人數 | 22 | |||
| 受傷嘅人數 | 3 | |||
2025年遼寧遼陽酒店火災嘅位置  | ||||
[改維基數據] | ||||
 |
2025年4月29號，中華人民共和國遼寧省遼陽市白塔區嘅一間酒店發生火災，根據中國官方通報，火災造成22人死亡、3人受傷[1]。
經過
[編輯]2025年4月29號12時25分，位於遼寧省遼陽市白塔區三里莊回遷樓附近嘅三里廚娘飯店發生火災[1][2] 。有目擊者話，當時好大風，起初只係見到現場冒黑煙，無幾耐之後就見到火，而且火勢仲迅速蔓延[3][4] 。喺幾個傳到社交媒體上嘅短視頻嗰度可以睇到，火災發生嘅時候，遼陽市嘅「廚娘飯店」上面有火，同埋濃濃嘅黑煙，其中嘅一段航拍視頻拍到餐廳前面停咗十幾架消防車[5]。遼陽當地消防部門隨即出動22架消防車、85個消防員去救火[6] ，首批消防員12時37分到達[7] ，現場明火於12時43分左右撲滅[2] 。當日下午，現場救援工作結束，火災造成22人死亡、3人受傷，傷員生命體徵平穩[2] 。
官方嘅初期部調查結果顯示，首先起火嘅地方係喺門口側面，酒店嗰度無天然氣或者煤氣管，而現場嘅三個鋼樽都狀態完好，所以起火原因排除咗氣體爆炸，公安部門亦排除咗人為放火嘅可能性，事故具體原因仲喺度調查緊，依家正圍繞亂揼煙頭、電氣故障等方向開展調查[1]。 初步分析，由於酒店用嘅傢俬同裝修材料都係易燃嘅，加上外面風好大，火勢迅速蔓延，啲火封咗個出口，室內被困嘅人好難逃生，加上短時間內吸入大量有毒氣體，導致窒息死亡[1]。根據參與救火嘅消防員講，餐廳裏面黑煙瀰漫，枱枱凳凳同埋雜物好亂，現場環境好惡劣[8]。
反應
[編輯]中共中央總書記、國家主席習近平、國務院總理李強分別作出指示及批示，要求全力救治受傷人員，做好善後工作[3]。出事餐廳嘅負責人已經俾公安捉咗[5][6]。國務院安委會決定對呢單重大事故進行「查處掛牌督辦」，中國應急管理部副部長、國家消防救援局局長周天帶領工作組，星期二趕咗去遼陽指導事故調查處置工作[3][9]。
中共遼寧省委書記、遼寧省人大常委會主任郝鵬，省委副書記、省長王新偉趕咗去遼陽，親自指導事故嘅善後處置工作，又看望同慰問咗受傷嘅人[10]。
法新社喺報導呢單新聞嘅時候，佢哋嘅評論話：中國經常發生嚴重火災事故，原因係建築嘅安全規範執行得唔好，甚至完全忽視咗。今年4月初，中國河北省一所養老院亦發生火災，造成20人死亡。今年1月，張家口市一處蔬菜市場發生火災，造成8人死亡、15人受傷[5]。
參考
[編輯]- 1 2 3 4 〈【视频】辽宁饭店火灾排除燃气爆炸和人为放火可能〉。www.zaobao.com.sg (簡體中文)。喺2025-04-30搵到。
- 1 2 3 翟瑞民 (2025-04-29)。〈辽宁辽阳一饭店发生火灾致22死3伤，当地应急局：火已扑灭，原因正在调查〉。界面新闻。原著喺2025-04-30歸檔。喺2025-04-29搵到。
- 1 2 3 〈【视频】"五一"前辽宁饭店火灾致22死3伤 习近平下令尽快查明原因严肃追责〉。www.zaobao.com.sg (簡體中文)。喺2025-04-30搵到。
- ↑ 赵孟 (2025-04-29)。〈目击者讲述辽阳一餐馆火灾致22死：当时刮大风，黑烟迅速变成明火〉。界面新闻。原著喺2025-04-29歸檔。喺2025-04-29搵到。
- 1 2 3 〈中国辽阳市一餐馆发生严重火灾 22人丧生 – DW – 2025年4月29日〉。dw.com (中文)。喺2025-04-30搵到。
- 1 2 徐扬, 白涌泉 (2025-04-29)。〈辽宁辽阳火灾事故饭店经营者已被控制 善后处置全面展开〉。新华社。原著喺2025-04-30歸檔。喺2025-04-29搵到。
- ↑ 刘家伟, 许刚, 严佩鑫 (2025-04-30)。〈辽阳市相关部门负责人就白塔区三里厨娘饭店火灾事故答记者问〉。环球网。辽宁日报。原著喺2025-04-30歸檔。喺2025-04-30搵到。
{{cite news}}: CS1 maint: multiple names: 作者名單 (link) - ↑ 张逸飞, 白涌泉, 张博群 (2025-04-30)。〈火灾原因排除燃气爆炸 辽宁辽阳全力救治伤员处理善后〉。新华社。原著喺2025-04-30歸檔。喺2025-04-30搵到。
{{cite news}}: CS1 maint: multiple names: 作者名單 (link) - ↑ 〈习近平对辽宁辽阳市白塔区一饭店火灾事故作出重要指示〉。新华社。2025-04-29。原著喺2025-04-30歸檔。喺2025-04-29搵到。
- ↑ 方亮, 王奇, 史冬柏 (2025-04-30)。〈郝鹏王新伟连夜赶赴辽阳市白塔区火灾事故现场指导善后处置工作 看望慰问伤员并主持会议作出工作部署〉。《北国网》。辽宁日报。原著喺2025-04-30歸檔。喺2025-04-30搵到。
{{cite web}}: CS1 maint: multiple names: 作者名單 (link)