2026年南投縣議會選舉

2026年南投縣議會選舉係2026年中華民國地方公職人員選舉嘅一部份，喺2026年（民國115年）11月28日舉行。

選舉主要議題

• 喺2026年，名間焚化爐因為環境評估問題多次爆發爭議，國民黨籍南投縣長許淑華遭受到一啲批評，民進黨南投縣長候選人溫世政批評選址錯誤、縣府施政失靈；時代力量亦批評縣府對手無寸鐵嘅鄉老農動用大批鎮暴警力阻擋陳情並要求停建。

各黨提名情況

民主進步黨

民進黨今次提名3席，除咗現任議員蔡銘軒，仲有第20屆落選頭李帛璋、第19屆落選頭洪巧娟。但同黨草屯鎮前鎮長洪國浩嘅兒子洪宗呈將以無黨籍參選，加上因為正副議長選舉票投自己被開除民進黨籍嘅5連霸老將廖梓佑，民進黨5連霸議員林永鴻個女林友友競選連任，蔡銘軒連任之路受到挑戰。

台灣民眾黨

簡千翔本來係民眾黨喺南投縣唯一一名議員，但喺京華城案之後，佢喺4月9號召開記者招待會宣佈退出民眾黨，指黨內運作模式「走鐘」，已遠離當初自己入黨嘅初衷，年底將以無黨籍身份參選尋求連任。