2026年花蓮縣縣長選舉
2026年花蓮縣縣長選舉係2026年中華民國地方公職人員選舉嘅一部份，喺2026年（民國115年）11月28日舉行[1]。
選舉主要議題
[編輯]各黨提名情況
[編輯]民主進步黨
[編輯]由於當地政治板塊長期藍大於綠，現任縣長徐榛蔚同國民黨立法院黨團總召傅崐萁，喺地方深耕並實質主導政局已經超過二十年之久，被外界戲稱為難以撼動嘅傅氏王朝，所以民進黨傾向改為禮讓花蓮縣議長張峻。有黨內人士就話，今次最大目標就係要推翻傅氏王朝嘅長期統治[2]。
民進黨亦有人向媒體透露，選擇支持張峻而唔係魏嘉賢，係因為張峻喺大罷免嘅時候明顯更投入，但魏嘉賢，過去曾經信誓旦旦表態要參選立法委員，最後卻臨陣退選[2]。
中國國民黨
[編輯]吉安鄉長游淑貞與前花蓮市長葉耀輝都曾經表態參選[3]，國民黨花蓮縣黨部喺1月8日開會決議全民調，21日直接發布內參民調結果，由外界喻為現任縣長徐榛蔚接班人嘅吉安鄉長游淑貞支持度51.9％，大勝前花蓮市長葉耀輝40％[4]。去到2026年3月4號，國民黨確定游淑貞代表參選[3]。
另外，媒體人何啟聖亦曾經有意參選，就未被納入民調[5]，之後佢就發文批評國民黨內部提名機制問題，包括（1）未經當時人同意採取「全民調」初選，（2）民調初選時間倉促，葉耀輝提出要至少舉辦三場電視政見辯論會，令縣民有機會了解候選人嘅理念同政見，但呢個建議當場遭到縣黨部主委盧新榮同游淑貞否決，（3）去到葉決定退出民調但縣黨部仍然將佢列入去，（4）葉耀輝先後提出黨內申訴，並向法院聲請假處分，但係國民黨中央都冇正視問題[6]。
對於何啟聖未被納入民調，國民黨之後就回應話係因為何啟聖黨籍所在地問題[5]。對於呢次初選嘅爭議，前總統府發言人Kolas Yotaka話，呢個選舉令人誤以為花蓮仲有「民主」[4]。
台灣民眾黨
[編輯]其他
[編輯]花蓮縣議長張峻喺3月11號宣布參選，另外無黨籍縣議員魏嘉賢亦告參選。張峻喺宣佈參選嘅時候，得到10名無黨籍花蓮縣議員同埋先前爭取國民黨提名嘅媒體人何啟聖站台。何啟聖話，花蓮並唔係某一個家族嘅花蓮，而係希望花蓮能成為世界的花蓮，暗批花蓮立委傅崑萁同佢老婆，現任花蓮縣縣長徐榛蔚[3]。
張峻曾經話若理念相同嘅話，唔排除同魏嘉賢共同整合，不過魏嘉賢則表示唔勉強[3]。
民意調查
[編輯]選舉結果
[編輯]參考文獻
[編輯]- ↑ 〈2026九合一選舉懶人包》九合一選舉時間、九合一選舉選什麼？縣市長熱門人選、藍綠白布局選戰搶先看〉。《今周刊》 (臺灣中文)。2025-10-03。
- 1 2 風生活綜合報導。〈震撼彈！民進黨2026「這縣市」確定不提人選？知情人士揭露背後盤算 | 風生活綜合報導 | 風生活〉。www.storm.mg (中文)。喺2026-03-15搵到。
- 1 2 3 4 〈張峻宣布參選花蓮縣長 與游淑貞.魏嘉賢「三腳督」〉。《華視新聞網》 (中文)。2026-03-11。喺2026-03-15搵到。
{{cite web}}: CS1 maint: url-status (link) - 1 2 〈游淑貞民調勝出 她嘆：他們誤以為花蓮還有「民主」〉。www.msn.com。喺2026-04-02搵到。
{{cite web}}: CS1 maint: url-status (link) - 1 2 三立新聞。〈遭申訴提名疏失！國民黨花蓮縣黨部這樣說〉。《鏡週刊 Mirror Media》 (繁體中文)。喺2026-03-15搵到。
- ↑ 三立新聞。〈藍花蓮初選爆黑箱？他揭傅氏王朝密室政治〉。《鏡週刊 Mirror Media》 (繁體中文)。喺2026-03-15搵到。