赤川次郎(日文平假名,あかがわじろう;拉丁字母Akagawa Jirō;1948年2月29號—),日本文人,寫推理小說出名。一九四八年二月廿九號出世[1],生於福岡縣福岡市博多區。佢老頭赤川孝一,日本東映製片。桐朋高等學校畢業,一九九六年任金澤學院大學文學系客座教授。
作品都用本名。出名作品好多,有唔少成系列,三色貓系列、三姊妹偵探團系列、南條姊妹系列、華麗偵探團、詭異驚情系列、幽靈系列、戀母刑警系列、賊夫警妻系列、吸血家族系列、花嫁系列、爽香系列等。話雖叫寫推理小說,但亦見批評唔似推理小說。作品受日本人喜愛,唔少拍成戲,好似水手服與機關鎗系列咁。