apm
 | 呢版要更新，以反映最新情況。加完料之後唔該拎走個模。 |
想搵第二個意思嘅話，請睇APM。
apm係香港觀塘一間大型商場，喺觀塘道創紀之城五期入邊。隔籬有觀塘站同埋裕民坊。佢嘅範圍除咗喺創紀之城五期之外，又包埋港貿中心大堂嗰一層。發展商係新鴻基地產，喺2004年12月試業，2005年7月17號正式開幕。
apm所在嘅創紀之城第五期同埋創紀之城一、二、三、六期，同埋計劃緊嘅七期，合稱新鴻基嘅觀塘道王國[未記出處或冇根據]。apm入面，有一座7層高嘅商場，有食肆、衫鋪、化妝品鋪同埋一間戲院。地庫重有全港首間獨立經營嘅吉之島超級市場（已經響2014年5月結業，而家做咗一田超級市場）。apm樓下亦有一個巴士總站同埋停車場，如果要搭過境巴士返內地，可以喺嗰度上車。
apm呢個名代表商場無論朝早（AM）定係下晝（PM）都歡迎顧客幫襯。而實際上，apm入面有好多通宵開放嘅鋪頭。佢係區內最大嘅購物商場，延長嘅開放時間能夠切合當地人嘅需要，更不時有外國人同內地人士過來。普通鋪頭夜晚十二點收工，餐廳、酒樓就兩點收檔。有啲鋪頭就直程開通宵，年中無休。
