亞美尼亞
| 亞美尼亞共和國 Հայաստանի Հանրապետություն | |||||||
|---|---|---|---|---|---|---|---|
| |||||||
| 格言：Մեկ Ազգ , Մեկ Մշակույթ（一個國家，一種文化） | |||||||
| 國歌：Մեր Հայրենիք（我們的祖國） | |||||||
 | |||||||
| 屬地（實轄） | |||||||
幅員
| |||||||
| 首都 | 埃里溫 | ||||||
| 最大城市 | 埃里溫 | ||||||
| 海岸線長 | 冇 | ||||||
| 國民 | |||||||
| 人數 | 以下係2024年嘅估計數字 | ||||||
| 政制 | |||||||
| 主要領袖
| |||||||
| 經濟 | |||||||
| GDP（國際匯率）
| |||||||
| 貨幣 | Dram （AMD, Դ） | ||||||
| 資訊 | |||||||
| 國家代碼 | ARM | ||||||
| 國際域名縮寫 | .am | ||||||
| 國際電話區號 | 374 | ||||||
亞美尼亞（英文：Armenia；亞美尼亞話：Հայաստան，Hayastan），全名亞美尼亞共和國（英文：Republic of Armenia；亞美尼亞話：Հայաստանի Հանրապետություն；Hayastani Hanrapetutyun，1991年9月21號—）係一個位於歐亞交界、高加索地區嘅山區小國，亦係喺蘇聯瓦解之後獨立而出嘅好多共和國之一，首都為埃里溫。
亞美尼亞係個內陸國家，大部分國民信基督教，但因為周圍畀伊斯蘭教國家包圍，再加上同鄰國之間嘅國界爭議，所以就成為高加索地區動盪不安嘅火藥庫。
西臨土耳其，北有格魯吉亞，亞美尼亞同東邊鄰國阿塞拜疆一直因為領土爭議而唔合，除咗亞美尼亞南部領土將阿塞拜疆嘅納希契凡自治共和國（Naxçıvan Muxtar Respublikası，或稱Naxçivan）同阿塞拜疆本土一分為二外，亞美尼亞長期以來一直宣稱阿塞拜疆西南部嘅納戈爾諾-卡拉巴赫飛地（Dağlıq Qarabağ 或，境內大多數居民為信奉基督教嘅亞美尼亞人）係亞美尼亞領土嘅一部份，並且支持當地嘅叛軍同阿塞拜疆政府對抗。噉嘅做法導致鄰國嘅土耳其同阿塞拜疆因此將通往亞美尼亞嘅鐵路同輸油管完全封鎖，令本身資源已經唔係好充足嘅亞美尼亞，變得更加貧困。
因為小高加索山橫貫、境內地形崎嶇嘅亞美尼亞，相傳係舊約聖經中諾亞方舟喺大洪水退卻後著陸抵達之處（傳說中諾亞方舟停喺亞拉拉特山上，呢座山位於今日亞美尼亞同土耳其邊境，最高峰喺土耳其境內），甚至有講法認為亞美尼亞嘅首都埃里溫就係由諾亞本人建立嘅城市。傳說嘅真假或者唔容易查證，但係亞美尼亞嘅確係世界上第一國將基督教列為國教，佢嘅歷史可以追溯到4世紀，並且喺之後嘅一千年間一直以獨立國家嘅型態存在，並無因為羅馬人、波斯人同蒙古人嘅侵略而消失。16世紀中期，亞美尼亞畀伊朗同奧斯曼帝國瓜分，1805年～1828年，東亞美尼亞併入俄國，西亞美尼亞依然屬於土耳其。第一次世界大戰期間，幾十萬亞美尼亞人慘遭奧斯曼土耳其帝國屠殺。1920年，亞美尼亞蘇維埃社會主義共和國成立，1922年，亞美尼亞加入外高加索聯邦蘇維埃社會主義共和國，成為蘇聯加盟共和國下面嘅一個自治共和國，1936年，成為蘇聯直轄嘅加盟共和國。1991年蘇聯解體，亞美尼亞獨立。
亞美尼亞嘅主要經濟來源係農牧業，其中農業生產只集中喺首都附近嘅低地地帶。1988年亞美尼亞發生咗一場毀滅性嘅大地震，造成25,000人死亡，無數建設毀壞，再加上同年納戈爾諾-卡拉巴赫地區爆發衝突，更顯得雪上加霜。
出面網頁
[編輯]
- 亞美尼亞嘅官方網站
- 〈国家概况 — 中华人民共和国外交部〉 (簡體中文)。中華人民共和國外交部。
- 〈亞美尼亞共和國 Republic of Armenia - 亞西地區 - 中華民國外交部 - 全球資訊網 Ministry of Foreign Affairs, Republic of China (Taiwan)〉 (繁體中文)。中華民國外交部。
- "Armenia - United States Department of State" (英文). 美國國務院.
- 亞美尼亞喺中央情報局《世界概況》嘅資料 （英文）
- 〈アルメニア共和国 ｜ 外務省〉 (日文)。日本外務省。
- "Armenia - Department of Foreign Affairs and Trade" (英文). 澳洲外交貿易部.
