Bingo (組合)

Bingo係香港女子跳舞歌唱組合，成員包括關嘉敏（Carman）同陳康琪（Odilia），屬天盟娛樂（中文：天盟娛樂）旗下，2016年正式出道。組合最近一次活動喺2021年，之後再未有活動，社交媒體亦冇再更新過，即係變相無聲無息解散咗。

組合初頭總共有5位成員：關嘉敏、陳康琪、周彥（Christy）、陳可（Gia）、王嘉怡（Kylie）^[1]，2017年10月陳可、王嘉怡離隊，換入陳韻瑧（Katie）^[2]，之後約莫2018年底個組合再重組，陳韻瑧、周彥離隊，換入夏子涓（Queena），到2019年底夏子涓離隊。自夏子涓離隊後，Bingo再冇推出過原創作品，淨低嘅關嘉敏同陳康琪亦各自專注個人發展，只係喺2021年以組合名義推出過一隻翻唱歌。