霸王鞭
(由Euphorbia antiquorum跳轉過嚟)
 | ||||||||||||||||
|---|---|---|---|---|---|---|---|---|---|---|---|---|---|---|---|---|
 | ||||||||||||||||
| 物種分類 | ||||||||||||||||
| ||||||||||||||||
| Euphorbia antiquorum Linn. |
霸王鞭（粵拼：baa3 wong4 bin1；學名：Euphorbia antiquorum），廣西白話嗌龍骨樹（lung4 gwat1 syu6），係大戟科大戟屬嘅常綠肉質灌木或喬木仔，原產印度，而家喺印度、亞洲熱帶地區同中國廣東、廣西、雲南地區可以搵到。
樣[編輯]
樖嘢高3～5m，最高有8m到；直徑5～7cm，上邊多分枝；有三條棱脊，薄兼凸出，高1～2cm，厚3～5mm，邊緣有明顯嘅三角形齒，每齒之間有約1cm嘅罅。梗多數係四面體，亦有時出現五面體個樣，入面有好多乳汁響度；髓四面體兼糠質。葉互生，一般生喺齒尖，少而疏，多數生喺嫩枝頂，樣似倒立嘅蛋形或橢圓，長2～5cm，闊1～2cm，全緣兼兩邊冇毛；葉脈唔明顯兼肉質；葉柄超短；托葉似刺，長2～5mm，宿存。花單生，一般生喺葉杈，基部有2～3mm嘅短柄；總苞似闊鐘噉，高約3mm，直徑約5mm，邊緣5裂，似半圓，邊緣有齒仔。花公比較多，花乸得1隻咁少；其中花公嘅苞片似絲，花乸好多時伸出總苞出面兼花柄好長。子房樣近似四面體同揼扁咗嘅波噉，光滑兼冇毛，柄基部有3嚿退化咗嘅花被片；花柱有三條。果屬蒴果，樣近似四面體同揼扁咗嘅波噉，長34～40dmm，直徑4～5mm，熟咗之後識分身成3隻。籽近似波形，啡黃，長同直徑都係2mm到，平滑。每年好多時都有花開同結果。
用途[編輯]
 | 維基百科嘅醫學類文章只係提供參考，並唔係醫療意見。 閣下如果有任何關於健康嘅問題，請諮詢專業醫護人員。 |
植株多數用嚟做盆景同埋綠籬植物。雖然成樖嘢可以做藥，有散瘀消炎同清熱解毒嘅功效。但係佢嘅乳汁有毒，唔食得。
