F. D. C. Willard

F. D. C. Willard係一隻名為切斯特（Chester）嘅暹羅貓所使用嘅筆名，呢個名字曾經喺國際物理學期刊入面，分別作為合著者同一作者發表過研究論文。1975年，密歇根州立大學嘅美國物理學家同數學家傑克·H·赫林頓（Jack H. Hetherington）想喺《物理評論快報》發表佢喺低溫物理領域嘅研究成果。有一次，佢俾其中一位同事幫佢嘅論文審稿，嗰位同事指出赫林頓喺文章入面大量使用咗複數形式嘅第一人稱，但實際上作者淨係得佢一個人，咁樣嘅文章好可能會俾期刊拒絕發表。為咗唔洗浪費時間重新修改文章，或者將複數人稱改成單數形式，又或者搵一個共同作者，赫林頓乾脆憑空捏造咗一個作者出嚟，結果就係呢隻貓成為咗呢個虛構嘅作者。