香港01

出自維基百科,自由嘅百科全書
(由HK01跳轉過嚟)
香港01
香港01標誌 (2018年9月-)
網址hk01.com
網站類型新聞
可用語言繁體中文
擁有者香港01

香港01》(英文HK01)係香港新聞媒體,2016年1月成立,主要搞網上新聞,2016年3月11號創辦同名周報《香港01》,逢禮拜五出版。創辦人係做過《明報》老闆嘅于品海,編採成員多數由《明報》、《明報周刊》、《南華早報》、《壹周刊》等等媒體過檔。佢嘅宣傳口號係「社會撕裂 大家都輸 是時候改變了」(粵文意思:係時候改變喇)。

由於高層立場係親中建制派[1],但係前線員工嘅立場就普遍為泛民主派[2],因此被視為中間派傳媒

除咗媒體業務之外,《香港01》搞埋個外賣自取平台,叫「e肚仔」。

2023年10月13號,香港01母公司南海控股(HKSE: 0680)被香港交易所除牌。[3]唔夠一個禮拜,創辦人于品海又被一間公司入稟高等法院申請破產。[4]

閱讀數據[編輯]

根據獨立第三方機構Comscore數據,2020年11月《香港01》按月不重覆總觀眾人數有成500萬,係香港新聞/資訊-綜合新聞類別第一。喺2018年7月至2020年12月期間30個月,成為iOS App Store及Google Play Market香港新聞類免費App總下載量排名第一,當中有成20個月喺iOS App Store及Google Play Market香港新聞類免費App下載排行榜排名第一。

如果按每日計數,睇返Google Analytics數據,《香港01》平均每日不重複到訪人數直迫200萬人次,平均每日點擊次數迫近5000萬次。其中一個讀者睇《香港01》website嘅渠道係透過Google搜尋,搵到讀者有興趣嘅內容。由2019年底起,《香港01》Google關鍵字數目係全港媒體第一。

政治立場同爭議[編輯]

《香港01》涉及過唔少同政治立場同編採自主有關嘅紛爭。《立場新聞》喺2021年訪問咗幾個喺「親中派媒體」(包括《香港01》在內)嘅記者,就暴露咗一啲情況。有受訪記者甚至形容因為投資人于品海代任總編輯,編採自主蕩然無存[5]

刪改六四事件解密檔案報道[編輯]

《香港01》喺2017年12月曾經發表一篇關於六四事件嘅文章,引述英國駐華大使館嘅解密資料,但原文發出後被撤換,略過咗好多原文嘅細節,亦刪減咗好多對解放軍士兵入城時嘅具體情況描述[1]

被修改嘅內容包括:

  • 描述中國解放軍27軍喺天安門清場嘅時候,刪咗士兵向學生、平民同冇武器嘅士兵發動「無差別攻擊」嘅字眼[1]
  • 無武器嘅士兵同學生被到達現場嘅軍車「射殺」,修改後變成佢哋「中槍」[1]
  • 引述英方報告指裝甲車多次輾過屍體將佢哋壓成「餡餅」,附有英文原文,但呢啲文字同英文原文後來被刪去[1]

鄭若驊僭建醜聞期間[編輯]

有《香港01》記者喺2021年接受咗《立場新聞》訪問嘅時候話,2018 年啱啱上任律政司司長嘅鄭若驊爆出僭建醜聞,兩三個之後,有高層曾經婉轉阻止下屬跟進呢單新聞[5]

2019年區選違反選舉條例同阻止記者訪問素人[編輯]

第6屆香港區議會選舉前夕,《香港 01》一連發表兩篇文章,一共點名唔支持 203 個候選人[6],多數係泛民主派人士,被質疑違反《選舉(舞弊及非法行為)條例》[7]。另外,高層亦忽然唔畀前線記者再訪問一啲被視為空降嘅素人[5]

事件引嚟泛民主派嘅批評,其中,時任立法會議員區諾軒陳欣兒嘅師父)就批評做法唔負責任,而且侮辱咗傳媒呢兩個字,直斥《香港01》咁做係垃圾[7]。另外,《香港01》至少133名編採人員,來自突發、港聞、偵查、法庭同社區等近10部組,之後亦發表實名聯署聲明,質疑呢啲評論有欠公允、有失專業,更可能影響選舉嘅公平公正,又冇畀當事人機會解釋,對呢啲評論表示遺憾同強烈唔同意[8][9]

另外,大律師龔靜儀接受訪問時亦認為,廉政公署同選管會應跟進事件[10]

參考[編輯]

  1. 1.0 1.1 1.2 1.3 1.4 港01改六四事件解密檔案報道惹關注. . 2017年12月21號. 原先內容歸檔喺2019年6月17號. 喺2020年8月2號搵到.
  2. 劉瀾昌 (2018-07-03). 河水井水漩渦之中: 一國兩制下的香港新聞生態訂版. 秀威資訊. pp. 344–345. ISBN 9789863265597.
  3. 海控股月底除牌 不申請覆核. (繁體中文). 喺2023-10-21搵到.
  4. 品海涉債4億 遭建銀申破產. (繁體中文). 喺2023-10-21搵到.
  5. 5.0 5.1 5.2 立報導・1送中引燃政治審查 記者的抉擇:堅持還是離職? | 立場專題 | 立場新聞. 場新聞 Stand News (英文). 原先內容歸檔喺2021-03-19. 喺2021-03-18搵到.
  6. 評論編輯室 (2019-11-23). . 港01 (香港中文). 原先內容歸檔喺2021-03-21. 喺2021-03-18搵到.
  7. 7.0 7.1 選前夕 港 01支持候選人名單 多數為民主派 | 立場報道 | 立場新聞. 場新聞 Stand News (英文). 原先內容歸檔喺2021-03-21. 喺2021-03-18搵到.
  8. 戰區選《香港01名不支持候選人涉違例 過百編採聯署轟欠專業影響公平公正 | 蘋果日報. Apple Daily 蘋果日報 (香港中文). 原先內容歸檔喺2021-03-21. 喺2021-03-18搵到.
  9. 港01採人員就公司兩篇評論之聲明 | 獨媒轉載. . 原先內容歸檔喺2021-03-21. 喺2021-03-18搵到.
  10. 選2019:港01不支持候選人名單涉違選舉例. on.cc東網 (香港中文). 原先內容歸檔喺2021-03-21. 喺2021-03-18搵到.

出面網頁[編輯]