康王·柏德來商業城

出自維基百科,自由嘅百科全書
康王·柏德來商業城嘅16號出入口

 康王·柏德來商業城粵拼hong1 wong4 paak3 dak1 loi4 soeng1 jip6 sing4英文Kangwang Bestcome Shopping Mall),簡稱康王商業城,係中國廣東廣州一地下商場,1996年規劃,1997年喐手起,2001年搞掂主體工程,2003年春節間開業,位置喺荔灣區康王北路,從陳家祠站C出入口一直去到西華路口嗰邊。佢亦係華南地區規模最大同中國大陸第一個用外企出錢兼享有完整產權嘅單建人防工程[1]。商場全長630米,闊36米,上下夾埋有2層樓,總建築面積夾埋有5公頃到。

商場喺2003年春節開業之後,期間一直由百得購接手,曾經喺商場入面搞過帶有中國、泰國意大利法國澳洲同埋日本美國等七大風情區嘅特色[1],但實質上冇突出呢啲功能[2]。不過喺開業嗰5年入面,先後爆出業主猛咁投訴物管係惡霸、開發商差債務同呃神見鬼單嘢之後,2008年畀咗浙江義烏嘅商城企業兼改名做百得購義烏國際商務城成半年,因開發商再次爆出債務糾紛同管理層出現七國咁亂嘅醜聞之後,又再改名做康王·柏德來商業城[3]

商場原先地下2樓諗住打造火車仔嘅配套設施方便啲民眾喺陳家祠嗰邊去到西華路口,但因開發商成日同業主玩撻Q同呃鬼食豆腐而冇整到[2]。而火車仔嘅配套設施所經過近住陳家祠嗰邊嘅大門附近,隨住2014年10月15號因地鐵嘅入場施工而改成咗8號綫嘅中途站。

[編輯]

出面網頁[編輯]