機甲
(由Mecha跳轉過嚟)
機甲（粵拼：gei1 gaap3）係一種戰鬥用嘅機械，可以但唔一定由人類坐喺入面操作。機甲嘅特徵係會有肢體，唔似得例如坦克車或者戰鬥機噉。响整體形狀上，機甲通常係似人，但亦有好多虛構作品會用機甲一詞嚟稱呼有肢體，形狀似非人動物嘅戰鬥機械[1]。
機甲呢個諗頭相當受歡迎，視像遊戲、電影、文學同漫畫等嘅創作品都有描繪作者想像中嘅機甲。到咗廿一世紀初，喺實戰上採用機甲仲係純屬科幻嘅範疇，係常見嘅科幻橋段，不過亦有唔少機械工程同埋軍事科技方面嘅研究者响度嘗試實現呢個構想[2]。
嗌法
[編輯]等嘅字眼。隻字詞寫嗰陣通常會用片假名寫做
科幻想像
[編輯]科幻作品嘅 meka 可以分做兩大類：
- 「硬」機甲：指相對真實嘅機甲；呢啲機甲會遵從現實世界嘅工程學知識，唔會違反已知嘅物理定律；作者通常會將呢啲機甲描繪成能夠或多或少噉量產而且望落似「識行路嘅坦克」；呢啲機甲會好似現實世界嘅戰鬥機械噉，要求使用者有策略噉用，往往仲會團隊作戰[2]。
- 「軟」機甲：呢種機甲比較架空，接近奇幻；呢啲噉嘅機甲成日都完全唔真實—例如係好似摩天大廈咁高，仲識合體呀噉，好多時違反晒物理定律，而且就算唔違反物理定律，呢啲機甲通常不切實際，由工程學角度睇完全唔夠效率。佢哋好多時都會扮演「英雄」單獨或者少數上陣打怪獸[4]，例子可以睇吓《新世紀福音戰士》。
|
視像遊戲
[編輯].jpg)
機甲响視像遊戲好常見。唔少視像遊戲都設計到畀玩家體驗揸機甲或者指揮機甲戰鬥嘅快感。例如：
- 《前線任務系列》：由 Square Enix 開發嘅回合制策略遊戲，描繪「識行路嘅坦克」噉嘅機甲，有大量嘅部件畀玩家組裝自己部隊嘅機甲，而且仲有相當複雜嘅故仔[5]。
- 《裝甲核心系列》：第三身射擊遊戲，要玩家响相對細嘅競技場裏面互射；描繪比較「軟」嘅機甲，講到啲機甲識上天下海而且傾向單獨作戰。都係有好多唔同部件畀玩家組裝自己嘅機甲[6]。
- 《神兵泰坦》：第一身射擊遊戲；同第啲機甲遊戲唔同嘅係，神兵泰坦有相當部份係要玩家角色 on-foot 嘅——响一場典型嘅神兵泰坦對局當中，玩家角色一開始嗰陣要 on-foot，打到咁上下（殺到咁上下數量嘅敵人或者造成咁上下量嘅傷害）玩家先可以召喚自己嘅機甲；噉即係話，對局當中有可能出現「on-foot 玩家對抗機甲」噉嘅情況；隻遊戲設計有牆上跑等嘅機制令 on-foot 嘅玩家有極高機動性，有可能出現「on-foot 玩家跳到高處，機甲淨係可以响地面嘗試開槍射佢哋」噉嘅情況，令到 on-foot 嘅玩家對抗機甲嗰時依然叫做可以有少少勝算[7][8]。
呀噉。
係咪可行
[編輯]响廿一世紀初，「識行路嘅坦克」類型嘅機甲係就係可以整到出嚟，但被指完全唔實際：理論上，機甲可以有佢哋嘅優勢—有肢體令佢哋更加容易上斜坡或者避開障礙物（講緊同坦克車相比）；不過有工程學研究指，機械肢體用起能量上嚟效率遠遠唔及轆等傳統軍事科技用嘅移動方式，即係話機甲郁嗰時要嘥多好多能量先可以達致相同速度（都係講緊同坦克車比），所以軍事科技工作者並冇誘因要發展機甲。不過亦有呢方面嘅工作者相信，只要有設計得啱嘅機械肢體，機甲可以達致同坦克車相約—甚至超越坦克車—嘅能量效率[2]。
睇埋
[編輯]引述
[編輯]- ↑ Erickson, Hal (2005). Television Cartoon Shows: An Illustrated Encyclopedia, 1949 Through 2003 (2nd ed.). McFarland & Co. pp. 940-942.
- ↑ 2.0 2.1 2.2 Why The U.S. Army Is Considering Walking Vehicles. Forbes.
- ↑ Meaning of メカ in Japanese. Japanese dictionary.
- ↑ MECHA SIZE COMPARISON REVEALS GIANT ROBOTS LARGER THAN KNOWN UNIVERSE, Nerdist.
- ↑ Front Mission 1st: Remake is an appetizer for better mech strategy RPGs to come. PC Gamer.
- ↑ Where to Find and Play Every Armored Core Game & Expansion. CBR.
- ↑ Treacher, D., Holmes, L. G., & Michelbach, C. (2014). P1_1" Prepare for Titanfall". Physics Special Topics, 13(1).
- ↑ Fortnite could be adding Titanfall-style Wall-Running in Chapter 5. Dexerto.
拎
[編輯]
- （香港繁體） 香港重機盲盒玩具開箱，YouTube 片講到有香港特色嘅機甲玩具。
- （英文） Mecha，電視橋段網講機甲呢條橋段。
- （英文） 好鬼大架嘅 mecha，電視橋段網講唔真實嘅極大機甲。
