羅望子樂團

樂團用羅望子樹做名

羅望子樂團係日本舊時敲擊樂團。前身一九七九年開始，而樂團短暫出現喺一九八一年，專用敲擊樂來做極簡音樂，創作貫通東西方，元素包有電子音樂，有非洲音樂，有古典敲擊樂。

日文叫ムクワジュ・アンサンブル，對應英文Mkwaju Ensemble。而Mkwaju，斯話希利文，音似唔古娃朱，意思羅望子樹，樹名來，原本出自非洲，以誌佢哋喜好非洲音樂。

樂團短命，之不過對後來日本環境音樂、極簡音樂都好有影響。

成員有出名作曲家高田綠，以及原名藤澤守嘅久石讓。另外重有，定成庸司、荒瀬順子。客串成員有松武秀樹同橋田正人。松武秀樹，合成器編程師。橋田正人就玩拉丁敲擊樂。

經歷

久石讓讀國立音樂大學嗰陣，經已創作極簡音樂，一九七九年組咗隊合奏團。呢隊樂團本身佢畢業後，同作曲科師弟師妹，組成隊氣息樂團發展而成。後尾，久石讓解散咗佢，將當中敲擊樂人再組成久石讓組。

佢本身想用現代音樂去追求極簡音樂。拜仁意勞興起環境音樂，佢對自己合奏團啲音樂活動有疑問，有啲成員想同融合爵士界別合作，發展方向現分歧。一九八一年，久石讓以製作人身份，樂團同日本哥倫比亞旗下更好日品牌合作，推出咗第一張專輯羅望子樹，睇成佢自己，十年來音樂探索成果。佢第一次擔任製作人，負責埋作曲，重彈埋鍵盤。完成專輯後，佢就正式退出樂團。其餘成員繼續以自己方式活動，同年發行第二張專輯樹動，無耐就解散。