Ping Pung係一隊香港樂隊嚟，二零零四年成立。佢哋以前曾經簽過金牌娛樂，不過而家已經散咗。佢哋隊 band 嘅成員有：吳雨霏 (Kary)、李漢、李嘉文同埋黃天豪。
吳雨霏係 Ping Pung 嘅主音歌手，佢同時都係嗰個少女組合Cookies 嘅成員。而李漢同埋李嘉文就主要負責作曲、編曲同做監製。佢兩個係親生兄弟，仲要係作曲人雷頌德同一個阿媽但唔同老豆嘅異父兄弟。
