Portal:香港/開頭
  |
 |
 |
 |
香港係個國際大都會，喺珠江出口。有出名嘅維多利亞港夜景，人口數字超過七百萬。地方加埋千零平方公里，寸金尺土。係世界上住得最密，生活指數最高嘅地方之一；新石器時代以來都有人住，不過佢而家之所以出名，就數1842年開埠做轉口港、漸成座手工業城、跟住開始轉型做區域轉口港加金融中心，同埋購物同旅遊嘅不夜城。
香港係個對比好強烈嘅地方 - 佔17%地嘅地市區對週圍嘅郊區，有錢對冇錢人、西方文化對東方文化; 言論自由對政治鉗制，傳統文化對新科技。
商業中心起咗好多摩天大廈，但係郊野公園同沙灘就喺隔籬。新界同離島有傳統鄉村、郊野。交通平靚快。
香港而家係中華人民共和國嘅特別行政區，有政府、司法、郵票、護照、海關、入境、貨幣，派隊參加國際組織同運動。
香港行雙文制，用中英文做生意同教育。多數人嘅母語係廣東話，有少部份人識講普通話、上海話、台山話、客家話同埋第啲歐亞話。香港文化，最出名嘅係飲食、流行歌同港產片。喺宗教信仰方面，譬如基督教、天主教、道教、佛教、伊斯蘭教亦都好興。