QS世界大學排名

《QS世界大學排名》（英文：QS World University Rankings）係由英國一間私人公司 Quacquarelli Symonds（QS）發布嘅年度大學排行榜。QS 公司最初同《泰晤士高等教育》增刊合作，喺 2004 至 2009 年期間一齊推出《泰晤士高等教育－QS 世界大學排名》。2010 年之後，QS 公司就用自己嘅方法繼續公布排行榜，而《泰晤士》則採用新嘅評分方式，並自行推出《泰晤士高等教育世界大學排名》。

目前，QS 同愛思唯爾合作發布排名，榜單範圍包括全球綜合排名、學科排名，同時仲有亞洲、新興歐洲與中亞、拉丁美洲、阿拉伯地區、金磚五國五個按唔同標準制定嘅地區排名。呢個排行榜被視為全球最受關注嘅大學排名之一，但亦因為指標較多主觀成分，而受到唔少批評。