跳去內容

個名怪嘅小妖

出自維基百科,自由嘅百科全書
(由Rumpelstiltskin跳轉過嚟)
少女:「唉,我做唔到將禾稈草變做金,今次死梗喇。」
小妖:「小姐唔使閉翳,我可能幫到你。」

個名怪嘅小妖》(德文Rumpelstilzchen英文Rumpelstiltskin)係《格林童話》有收錄嘅一個童話故事

故仔情節講到有隻仙子,佢個名好怪叫 Rumpelstilzchen。佢幫女主角禾稈草變做,代價係想要得到女主角嘅頭一個親生細路。然後過咗好多年,個女人生咗個啤啤bi4 bi1,隻仙子再出現想夾硬帶個細路走[1]

情節[編輯]

喺好耐好耐以前,有個磨坊主人。佢向國王講大話,話自己個女(女主角)能夠將禾稈草織到變做絲。國王聽到就召見個女仔,仲將佢韞咗入間密室,密室裏面淨係得禾稈草同埋紡車。國王下命令,叫個女仔要喺聽日朝早之前將啲禾稈草織到變成金,如果唔係就要處死佢。

正當女主角諗住自己實死冇生嗰時,有一隻小妖出現喺佢面前。小妖開口,話佢可以施法將啲禾稈草變成金,不過佢想要女主角條頸鏈。女主角肯交易,然後小妖就將啲禾稈草變咗做金。不過到咗第二朝,國王要求女主角再做多次「禾稈草變金」,當晚小妖再出手幫女主角,今次係攞走女主角隻戒指。到咗第三日朝早,國王又要求女主角做多次,今次女主角冇嘢可以畀小妖,小妖就話想要女主角嘅第一個親生細路。

後嚟國王決定要娶女主角做老婆—於是出身寒微嘅少女就做咗皇后。過咗好幾年,皇后生咗個啤啤bi4 bi1,啱啱生完嗰晚小妖真係出現,仲想夾硬帶走個細路。救子心切嘅皇后ai1小妖。小妖於是就提出:

「如果你可以喺三日內估啱我真名係乜,我就唔會搶走你個啤啤。」

皇后周圍打探,打探咗一輪之後,發現佢有個使者知隻小妖叫乜名:

「呀,皇后陛下,我早排咁啱撞到隻小妖喺森林裏面唱歌,佢啲歌詞提到佢個名叫 Rumpelstilzchen [2][3]。」

而到咗最後嗰晚,皇后去到小妖面前,估小妖個名係 Rumpelstilzchen —估啱咗。小妖跟住就發晒爛渣,係噉喺度跳嚟跳去,跳跳吓大力得滯,將自己個身體撕咗做兩半。

故仔完。

亦都有啲版本話,隻小妖最後係好嬲噉坐住隻大湯殼飛走。

睇埋[編輯]

[編輯]

  1. "Rumpelstiltskin". Encyclopedia Britannica. Retrieved 2020-11-12.
  2. Rumpelstiltskin (英文),《個名怪嘅小妖》一個英文譯版。
  3. 首歌嘅一個英文譯版:
    "Tomorrow I brew, today I bake,
    And then the child away I'll take;
    For little deems my royal dame
    That Rumpelstiltskin is my name!"

[編輯]