SP1900/1950型電動列車

出自維基百科,自由嘅百科全書
跳去導覽 跳去搵嘢

港鐵近畿川崎列車英文Itochu Kinki Kawasaki Train,簡稱IKK Train),俗稱「SP1900」、「千九」、「1151」同「千九五」,鐵路迷花名叫「千九公主」,係九廣鐵路買入、行交流電通勤型列車,亦係世界上車速最高嘅通勤型列車。兩鐵合併之後,九鐵通過同地鐵有限公司簽定嘅經營權協議,俾香港鐵路有限公司喺2007年12月2號繼續使用。

列車可以以4、6、7、8、9同12組合為一抽,目前用緊8卡行,喺2017年12月24號之前曾經用過4卡組合、2018年5月27號之前曾經用過7卡組合同2021年2月6號亦用過12卡組合。而家統一咗8卡編組,同時原本東鐵綫嘅E200系列編組、頭等同馬鞍山線E500編組會被除,所有48列行走屯馬綫嘅本型號列車將會統一西鐵線E300系列編組。

列車命名[編輯]

本列車有多個命名。「SP1900」解Supply & Purchase 合約第1900號,所以俗稱「千九」。至於「世紀列車」就因為SP1900列車係2001年(21世紀第一年)喺東鐵綫投入服務而得名。兩鐵合併後為統一對SP1900/SP1950/KRS991/1151嘅稱呼,而改用IKK Train,「IKK」解作Itochu - Kinki - Kawasaki Consortium(伊藤忠-近畿-川崎聯合體)。

[編輯]

2007年12月2號兩鐵合併之後,有關列車全數租畀港鐵公司作鐵路營運嘅用途,並由港鐵公司進行日常清潔同埋保養,但列車嘅擁有權仲係屬於九鐵(合約1151號型號車卡擁有權係港鐵)。

2009年8月九龍南綫通車之後,所有東鐵線SP1900型號列車同馬鞍山線列車嘅大修改由港鐵八鄉車廠進行。換言之,所有SP1900/SP1950/KRS991/1151型號列車喺八鄉車廠進行大修。東鐵線SP1900型號列車同馬鞍山綫列車如果要大修,就要由柴油機車拖去紅磡站3號月台以北東鐵線以及西鐵綫嘅聯絡線返八鄉車廠。大修之後,由機車拖返原廠。2019年起,東鐵綫列車已經返去何東樓車廠大修。

2009年12月,所有東鐵綫同埋馬鞍山綫嘅列車已經換咗做港鐵格式嘅貼紙。2010年3月,所有西鐵、馬鞍山綫SP1900/SP1950/KRS991型號列車車廂都已經更換港鐵格式嘅貼紙。

2021年4月18號,所有屯馬線一期、西鐵嘅列車正式實施混合車隊。

批次[編輯]

呢款列車喺唔同時期買入,詳情如下:

SP1900[編輯]

1999年,九鐵就西鐵同東鐵新列車招標,當時只係有德國西門子交通集團以及日本伊藤忠商事入標。由於日本財團方案用咗新一代緊交流傳動技術(而德國方案仍然用早期嘅GTO-VVVF交傳技術),加上易於維修,所以日本伊藤忠商事(作為中介商)、近畿車輛川崎重工合組嘅財團奪得九鐵公司250卡全新列車嘅訂單,並連同日後增購權,價值超過港幣31.01億元。合約喺同年3月8號批出,編號為SP1900,當中嘅96卡(共8列)屬於E200系列(因為重組工程嘅關係已經廢除本系列),畀九廣東鐵(而家東鐵綫)使用,以增加東鐵嘅行車班次同埋客運能力,並配合東鐵嘅未來發展。其餘154卡(共22列)屬E300系列,畀2003年12月20號新通車嘅九廣西鐵(後來嘅西鐵綫)使用。簽約儀式喺同月29號喺九廣鐵路公司大樓舉行,由九鐵主席楊啟彥為首嘅三名高層代表九鐵簽約。

D201車卡[編輯]

呢款列車曾經出現過兩卡編號「D201」嘅車卡。最初嘅D201車卡由九鐵自行繪製草圖,交畀日本廠房生產,但因為設計失誤而導致唔合格,最終只能當做零件車用,並一直擺喺八鄕維修中心。直到2016年,港鐵將嗰個車卡轉讓畀香港消防處,放置喺新落成嘅將軍澳消防及救護學院入面,為新入職同現職嘅消防員以及救護員提供培訓。

屯馬綫[編輯]

為配合屯馬綫嘅發展,所有列車已經調去八鄉車廠改裝成8卡車。2015年7月2號,D201/D203調往八鄉車廠改裝成八卡車(新列車編號係D357/D358),已於2016年1月2號喺西鐵綫投入服務,成為嗰條線首列8卡列車。雖然屯馬綫所有軌道工程已經完成,但係屯馬綫紅磡站新建月台要去到2021年6月20號先至能夠啟用,嗰陣列車改裝已經完成,所有列車依然要由柴油機車拖車經紅磡站3號月台以北東鐵綫及西鐵綫嘅唯一一條聯絡線前往八鄉車廠,東鐵綫現代列車亦會開始喺東鐵綫陸續投入服務,而29列港鐵中期翻新列車(唔包括改裝唔到嘅E44)會陸續退役。

SP1950[編輯]

九鐵喺2000年12月批出第「SP1950」號合約,向伊藤忠-近畿-川崎財團增購72卡4卡編組列車共18抽同款列車,畀2004年通車嘅馬鞍山鐵路(後來嘅馬鞍山綫)用。經「SP1950」合約引入嘅新列車於2003年9月26號起陸續到港。

九龍南綫[編輯]

配合九龍南綫發展,其中兩抽馬鞍山綫列車(原本列車編號係D533/D534及D535/D536)已經喺2007年9月25號離開馬鞍山綫,以便同KRS991合約嘅列車(D353/D354、D355/D356)車卡連結,並喺西鐵綫行走。嗰2抽列車已分別喺2008年8月18號及8月24號喺西鐵綫投入服務。

而呢啲編組亦都會配合屯馬綫發展而改裝成8卡列車,其中D355/D356喺2017年6月25號開始進行8卡改裝工程,加入H355車卡,並喺7月22號投入服務。而D353/D354亦於2017年8月20號開始進行8卡改裝工程,加入H353車卡,並喺9月16號重新投入服務。D353/D354及D355/D356隨著屯馬綫全綫試車後亦都分別喺2021年4月20號同埋2021年4月22號開始返去馬鞍山綫或者屯馬綫範圍內投入服務。

擴編方式[編輯]
  • 馬鞍山綫嘅D同P車廂水平反向180度。
  • 加入新製單數M、雙數P同C車廂。
  • 馬鞍山綫嘅M車廂調至新製雙數P及C車廂之間,唔使反向。

屯馬綫[編輯]

然而,配合日後屯馬綫嘅需要,行走於馬鞍山綫嘅16列4卡列車亦需調往八鄉車廠

KRS991[編輯]

九鐵喺2006年1月批出KRS991合約,再按照SP1900嘅增購權條款訂購34卡(6列)同款列車車卡,總值5.78億港元。當中28卡新車廂會組成4抽E300系7卡列車,另外6卡車廂用嚟擴編兩列馬鞍山綫E500系(現E300系)4卡列車(原列車編號D533/D534,D535/D536。合併KRS991車卡後列車編號D353/D354,D355/D356),並調去西鐵綫用。首列新車(列車編號為D345/D346)於2007年7月15號凌晨運抵香港,並連同另外3列暫時存放喺東鐵綫何東樓車廠嘅列車(列車編號D353/D354,D355/D356)於2008年7月3號至4號運抵八鄉車廠,並於同年8月至10月先後投入服務。而另外兩抽新車(列車編號D349/D350,D351/D352)已經分別喺2008年5月4號及6月1號正式投入服務。因應沙中綫東西走廊(屯馬綫)落成通車,嗰6列列車已經喺2016年-2018年之間進行8卡化改裝工程,並成為屯馬綫8卡列車。

1151[編輯]

2013年12月11號,港鐵宣佈向伊藤忠商事、近畿車輛、川崎重工合組嘅財團,第三次按SP1900嘅增購權條款批出新列車合約,合約編號係1151,36卡新車廂會用喺擴編全數原本係東鐵綫西鐵綫馬鞍山綫嘅IKK列車,集中喺西鐵綫嘅H卡(H301-H355、H363、H383單數)以及C卡(C384雙數)同埋馬鞍山綫嘅H卡(H359、H377單數)及C卡(C366、C372、C378雙數)並將佢調往屯馬綫(包括原本西鐵綫同原馬鞍山綫)使用。同一時間為現有348卡嘅列車進行改裝,包括運送原有嘅頭等車廂返日本近畿車廠做普通等改裝工程。工程總值11.8億元。

批次對比[編輯]

合約編號 出廠年份 編配車廂編號 生產商 購買原因
SP1900 2001 D201-232(僅單數)

P/M201、203、204、205、207、208、209、211、212、213、215、216、217、219、220、221、223、224、225、227、228、229、231、232

C/H201、202、205、206、209、210、213、214、217、218、221、222、225、226、229、230(C卡僅雙數)

F203、207、211、215、219、223、227、231

近畿車輛 擴充東鐵車隊
2002-2003 D/P/M/C301-302、305-306、309-310、315-316、319-320、325-326、329-330、333-334、337-338、341-342(C卡僅雙數) 川崎重工業 西鐵通車
D/P/M/C303-304、307-308、311-312、313-314、317-318、321-322、323-324、327-328、331-332、335-336、339-340、343-344(C卡僅雙數) 近畿車輛
SP1950 2003-2004 D/P/M501-536、359-360、363-364、369-370、375-376、381-382、387-388、391-392、395-396(P、M卡僅單數)、P/M/353-356(M卡僅雙數、P卡僅單數)、D/P/M365-366、371-372、377-378、383-384、D301-302、305-306、316、385-386、393 馬鐵通車
KRS991 2007 D/P/M/C345-352(C卡僅雙數)
P354、356
M353、355
C354、356
九龍南綫通車
1151 2015-2017 H301-355(僅單數)、359、363、377、383
C366、372、378、384
擴編8卡列車

列車編組[編輯]

SP1900/SP1950/KRS991/1151以8卡車廂為一編組; 喺屯馬綫(包括前西鐵綫屯馬綫一期)以8卡車廂為一編組。屯馬綫(包括前西鐵綫同屯馬綫一期)用嘅列車,係裝上加拿大SelTrac IS,所以前西鐵綫、馬鞍山綫(屯馬綫一期)列車,只需要將SelTrac IS嘅操作軟件更新做Stltrac CBTC就可以繼續運作。

列車設備[編輯]

所有車廂都有以下設備:

  • 電視機:畀港鐵車廂電視用。列車投入服務去到2005年中係播動畫同埋政府宣傳片,之後播香港有線電視嘅新聞。而報站畫面以及車卡通道報站顯示屏就重新出現。2016年10月之後改用16:10液晶顯示屏。
  • 緊急通話器:每卡車都喺同一車門附近安裝緊急通話器,如果有緊急事故,乘客可以撳紅色掣,同司機通話。通話器設有獨立回覆功能,處理後亦只需要喺駕駛室使用列車管理系統重設返就可以,唔使職員攞鎖匙上車重設。
  • 滅火器:擺喺車門側邊。如果有火警,可以喺職員指導下使用。
  • 閉路電視:乘客撳咗緊急通話器之後,列車司機可以透過列車管理系統查閱該車卡車廂閉路電視嘅實時通訊,以便更快了解全列車廂情況。
  • 緊急出口:設於每卡第3對門(只有該卡設有手把),乘客可以喺車上打開膠蓋後,用手掣打開嗰對車門,並且跳到路軌側邊嘅通道(隧道及高架橋,唔包括東鐵綫大部分路段,落馬洲站上水站例外)逃生。部分車卡更設有逃生樓梯,畀乘客喺需要逃生到路軌側邊(地面段同東鐵綫大部分路段;包括紅磡站羅湖站)時,使用樓梯離開。嗰條樓梯必須由已經處於路軌上嘅乘客(或者職員)打開,唔可以喺車上面開。
  • 緊急通風窗:整喺玻璃上面,可以喺停電同冷氣系統唔能夠正常運作嘅時候用。
  • 動態路線圖同埋車卡通道報站顯示屏:喺2015年12月裝,動態路線由台灣凌暉科技(LWO)製造。畀乘客知道下一個車站嘅名,取代新聞直線報站彈出嘅字幕。
  • 冷氣系統:由日本東芝製造,冷氣機組採用R407C環保雪種。
  • 車門:使用電動滑動式車門,由法維萊交通車輛設備整。
  • 車卡連接位:由德國廠商虎伯拉鉸接系統(HÜBNER Group)整。
  • 列車車窗玻璃:窗口玻璃由日本AGC旭硝子同埋南韓KUKYOUNG G&M(D317/D318編組)整,而車門玻璃法國聖戈班整(連同西班牙CLIMAVIT合作)、南韓KUKYOUNG G&M同日本AGC旭硝子整(SP1900、KRS991及1151編組)。

[編輯]