Sheyla Almeida

Sheyla Almeida（1979年 12月19號—）係一個喺巴西出世，而家喺美國德州最大嘅城休斯敦住嘅模特兒。佢本來只係一位普通嘅家庭主婦，但後來因為一路做隆胸手術，搞到佢做咗「世界頭號人造波霸」。佢喺八年入便做過三十多次手術之後，將胸圍加大到34FFF。2009年 1月尾，佢又做咗另一次手術，喺每邊𢆡分別植入咗一個5.5公升嘅矽袋，令佢嘅胸圍再增大至38KKK，成為世界上胸圍最大嘅女性，令佢攞到喺賺電視台上鏡嘅機會，開始咗佢嘅模特兒生涯。

不過，呢次隆胸手術似乎為佢帶嚟咗災難。2010年 7月14號，佢對𢆡畀人發現喺手術之後感染咗可以死人嘅葡萄球菌，引起併發症。雖然後來佢將所有植入物攞返出嚟，但係估計感染可能令佢原來對𢆡都一樣要切。不過兩個星期之後，併發症似乎停咗，令佢可以繼續做埋剩返嘅手術步驟，不過期間因為併發症令佢失眠同埋冇晒胃口。

Sheyla Almeida結咗婚，2007年同而家嘅老公Derek Hershey結婚。而家通常叫佢做Sheyla Hershey。