SpaceX第七次星艦軌道試飛任務
第七次星艦軌道試飛任務（IFT-7）係SpaceX第七次星艦全系統聯合發射測試飛行，喺2025年1月16日22:UTC發射[1][2]。呢次任務會用第二代星艦S33搭配第一代助推器B14。呢次主要係測試星艦喺軌道中部署星鏈衛星嘅能力，將於亞軌道釋放10個第二代星鏈衛星模擬載荷，模擬載荷會沿住星艦相同嘅亞軌道飛行，最後濺落印度洋[1]。
喺IFT-5嘅時候安裝喺B12上嘅第314號猛禽發動機，今次會重新安裝到B14上再進行飛行。FAA喺2024年12月17日發出呢次嘅飛行許可證，規定飛行期間，如果再入時隔熱罩失效、襟翼系統故障、著陸燃燒(Landing Burn)時發動機故障、發動機喺在軌開機測試時故障、或者超重型助推器喺回收時出現故障，只要冇導致人員重傷或死亡、冇對無關財產造成損失，並且碎片全部落喺危險區域內，就無需進行事故調查。而如果SpaceX選擇非受控再入，咁喺發射前就必須通知FAA，屆時星艦嘅損失將會被視為有計劃事件，亦無需進行調查[3][4]。
根據NASA提交俾FAA嘅文件，IFT-7預計喺2025年1月11日清晨喺德州博卡奇卡發射。呢個時間安排可以令NASA有機會喺印度洋上空夜間記錄星艦再入嘅熱成像畫面[5]。
呢次會係第二代星艦首次發射任務。第二代星艦相比第一代增長咗10英尺（約3.1米），推進劑容量增加咗25%，而且將前襟翼移向背風面，計劃可以達到喺可重複使用嘅情況下，載重100噸嘅有效載荷能力。第二代星艦計劃配備猛禽V3發動機，但目前嘅S33仲係用猛禽V2.5發動機[6]。
疏仕
[編輯]- ↑ 1.0 1.1 SpaceX (2025-01-03)。〈星艦第七次飛行測試〉。SpaceX (英文)。
- ↑ SpaceX (2025-01-15)。〈由於天氣原因，我哋而家改為目標1月16日星期四進行星艦第七次飛行測試。發射窗口將喺中部時間下午4點打開〉。X (英文)。
- ↑ Katie L. Cranor (2024-12-17)。〈商業航天運輸許可證，許可證編號VOL 23-129 修訂版5〉。FAA Official (英文)。
- ↑ Ellie in Space (2024-12-17)。〈FAA簽發星艦第七次飛行嘅許可證〉。X (英文)。
- ↑ Alejandro Alcantarilla Romera, Alex (2024-11-25)。〈根據最近NASA向FAA提交嘅文件，星艦第七次飛行目前嘅時間預計喺1月11日清晨〉。X (英文)。
- ↑ 猛禽V2發動機搭載猛禽V3發動機嘅適配器