Sukiya

Sukiya（すき家），中國大陸用名食其家，係日本連鎖食肆，主要賣日式牛肉飯，同吉野家、松屋並稱「牛肉飯三巨頭」（日文：牛丼御三家）。

Sukiya喺1982年喺日本神奈川縣橫濱開張，之後業務擴展到海外。而家海外據點包括中國大陸、臺灣、香港、泰國、馬來西亞、印尼、越南、巴西同墨西哥等等。

名

Sukiya日文名「すき家」本嚟係對應壽喜燒「すき焼き」，不過佢從來都無用漢字去寫「すき家」。到佢要打入中國大陸市場，嗰度規定一定要有中文名，但由於「壽喜家」呢個名太普通，所以就改譯做「食其家」。

到佢先後打入臺灣同香港市場，嗰度舖頭都只係用英文名「Sukiya」同日文名「すき家」，而無用過中文名。

中國大陸嘅食其家喺2008年喺上海開張，而家全國有超過300間分舖，單係上海已經有超過100間。

臺灣嘅Sukiya喺2014年喺臺北開張，之後擴展到新北、桃園、基隆、臺中、新竹。

香港嘅Sukiya喺2019年喺九龍旺角開張。